happy independence day india

సిపాయి చిన్నయ్య 1969
సంగీతం::M.S.విశ్వనాధం
రచన::ఆరుద్ర
గానం::ఘంటసాల

నా జన్మభూమి ఎంత అందమైన దేశము

నా జన్మభూమి ఎంత అందమైన దేశము
నా ఇల్లు అందులోన కమ్మని ప్రదేశము
నా సామిరంగా హాయ్ హాయ్
నా సామిరంగా..2

నడిచే దారిలో నవ్వే పువ్వులు
శాంతి నాదాలతో ఎగిరే పిట్టలు
పచ్చని పంటలు వెచ్చని జంటలు
చల్లని జీవితం ఇదే నవభారతం
ఆయ్ హాయ్ నా సామిరంగా
ఓయ్ హోయ్ నా సామిరంగా

బతకాలందరు దేశంకోసమే
దేశమంటేను మట్టికాదోయ్ మనుషులే
దేశమంటేను మట్టికాదోయ్ మనుషులే
స్వార్థమూ వంచన లేనిదే పుణ్యము
త్యాగమూ రాగమూ మిళితమే ధన్యమూ
ఆయ్ హాయ్ నా సామిరంగా
నా సామిరంగా ఓయ్ హోయ్ నా సామిరంగా

తల్లా! పెళ్లామా?

రచన::C.నారాయణరెడ్డి

తెలుగు జాతి మనది..నిండుగ వెలుగు జాతి మనది
తెలుగు జాతి మనది …. నిండుగ వెలుగు జాతి మనది
తెలుగు జాతి మనది …. నిండుగ వెలుగు జాతి మనది
తెలంగాణ నాది … రాయలసీమ నాది … సర్కారు నాది … నెల్లూరు నాది ..
అన్నీ కలిసిన తెలుగునాడు … మనదే … మనదే … మనదేరా..
తెలుగు జాతి మనది …. నిండుగ వెలుగు జాతి మనది

ప్రాంతాలు వేరైనా మన అంతరంగమొకటేనన్నా
యాసలు వేరుగ ఉన్నా ..మన భాష తెలుగు భాషన్నా
వచ్చిండన్నా …. వచ్చాడన్నా … ఆ …..
వచ్చిండన్నా …. వచ్చాడన్నా పరాల తెలుగు ఒకటేనన్నా …
తెలుగు జాతి మనది …. నిండుగ వెలుగు జాతి మనది

మహాభారతం పుట్టింది రాణ్మహేంద్రవరంలో
భాగవతం పుట్టింది ఏకశిలానగరంలో
ఈ రెంటిలోన ఏది కాదన్న
ఈ రెంటిలోన ఏది కాదన్న ఇన్నాళ్ళ సంస్కృతి నిండుసున్నా
తెలుగు జాతి మనది …. నిండుగ వెలుగు జాతి మనది

పోచంపాడు ఎవరిది …నాగార్జున సాగరమెవరిది
పోచంపాడు ఎవరిది …నాగార్జున సాగరమెవరిది
మూడు కొండలు కలిపి దున్నినా ముక్కారు పంటలుబండ్లకెత్తినా
అన్నపూర్ణమ్మ కన్నబిడ్డలం . ఐదు కోట్ల తెలుగువారిది
తెలుగు జాతి మనది …. నిండుగ వెలుగు జాతి మనది

సిపాయి కలహం విజృంభించ నరసింహాలై గర్జంచాము
స్వతంత్ర భారత్ కి జై
గాంధీ, నెహ్రూల పిలుపునందుకుని సత్యాగ్రహాలు చేసాము
వందేమాతరం .. వందేమాతరం
స్వరాజ్య సిద్ధి జరిగిన పిమ్మట స్వరాష్ట్రమును సాధించాము
జై విశాలాంధ్ర
దేశభక్తిలో తెలుగువారికి దీటే లేదనిపించాము
తెలుగు జాతి మనది …. నిండుగ వెలుగు జాతి మనది

ఇంటిలోన అరమరికలు ఉంటే ఇల్లెక్కి చాటాలా
కంటిలో నలక తీయాలంటే కనుగుడ్డు పెరికి వేయాలా
పాలుపొంగు మన తెలుగుగడ్డను పగులగొట్టవద్దు
పాలుపొంగు మన తెలుగుగడ్డను పగులగొట్టవద్దు
నలుగురిలో మనజాతిపేరును నవ్వులపాలు చెయ్యెద్దు

తెలుగు జాతి మనది …. నిండుగ వెలుగు జాతి మనది
తెలంగాణ మనది … రాయలసీమ మనది … సర్కారు మనది … నెల్లూరు మనది ..
అన్నీ కలిసిన తెలుగునాడు … మనదే … మనదే … మనదేరా..
తెలుగు జాతి మనది …. నిండుగ వెలుగు జాతి మనది

వెలుగునీడలు

పాడవోయి భారతీయుడా
ఆడిపాడవోయి విజయ గీతికా
పాడవోయి భారతీయుడా
ఆడిపాడవోయి విజయ గీతికా

నేడే స్వాతంత్ర్యదినం..వీరుల త్యాగఫలం
నేడే స్వాతంత్ర్యదినం..వీరుల త్యాగఫలం
నేడే నవోదయం నీదే ఆనందం..ఓ ఓ ఓ

పాడవోయి భారతీయుడా
ఆడిపాడవోయి విజయ గీతికా
పాడవోయి భారతీయుడా

ఓఓఓఓఓఓఓఓఓఓఓఓఓఓఓఓఓఓ..
స్వాతంత్ర్యం వచ్చెనని సభలే చేసి
సంబరపడగానే సరిపోదోయి
స్వాతంత్ర్యం వచ్చెనని సభలే చేసి
సంబరపడగానే సరిపోదోయి
సాధించిన దానికి సంతృప్తిని పొంది
అదే విజయమనుకుంటే పొరబాటోయి
ఆగకోయి భారతీయుడా !
కదలి సాగవోయి ప్రగతిదారులా !
ఆగకోయి భారతీయుడా !
కదలి సాగవోయి ప్రగతిదారులా !
ఆగకోయి భారతీయుడా !

ఆకాశం అందుకొనే ధరలొక వైపు
అదుపులేని నిరుద్యోగమింకొకవైపు
ఆకాశం అందుకొనే ధరలొక వైపు
అదుపులేని నిరుద్యోగమింకొకవైపు
అవినీతి..బంధుప్రీతి..చీకటి బజారు
అలముకొన్న నీదేశం ఎటు దిగజారు
కాంచవోయి నేటి దుస్థితి
ఎదురించవోయి ఈ పరిస్థితి..ఈ..
కాంచవోయి నేటి దుస్థితి
ఎదురించవోయి ఈ పరిస్థితి..ఈ..
కాంచవోయి నేటి దుస్థితి

పదవీ వ్యామోహాలు..కులమత భేదాలు
భాషాద్వేషాలు చెలరేగే నేడు
పదవీ వ్యామోహాలు..కులమత భేదాలు
భాషాద్వేషాలు చెలరేగే నేడు
ప్రతి మనిషి మరియొకని దోచుకొనేవాడే..ఏ..
ప్రతి మనిషి మరియొకని దోచుకొనేవాడే
తన సౌఖ్యం తన భాగ్యం చూచుకొనే వాడే !
స్వార్ధ మీ అనర్ధకారణం!
అది చంపుకొనుటె క్షేమదాయకం !
స్వార్ధ మీ అనర్ధకారణం!
అది చంపుకొనుటె క్షేమదాయకం
స్వార్ధ మీ అనర్ధకారణం

నవ సమాజ నిర్మాణమె నీ ధ్యేయం..నీ ధ్యేయం
సకల జనుల సౌభాగ్యమె నీ లక్ష్యం..నీ లక్ష్యం
నవ సమాజ నిర్మాణమె నీ ధ్యేయం..
సకల జనుల సౌభాగ్యమె నీ లక్ష్యం..
నవ సమాజ నిర్మాణమె నీ ధ్యేయం..
సకల జనుల సౌభాగ్యమె నీ లక్ష్యం..
ఏక దీక్షతో గమ్యం చేరిన నాడే
లోకానికి మన భారతదేశం
అందించునులే శుభ సందేశం..
లోకానికి మన భారతదేశం
అందించునులే శుభ సందేశం
లోకానికి మన భారతదేశం
అందించునులే శుభ సందేశం
ఆఆఆఆఆఆఅ
లోకానికి మన భారతదేశం
అందించునులే శుభ సందేశం...

చేయెత్తి జైకొట్టు తెలుగోడా!

చేయెత్తి జైకొట్టు తెలుగోడా!
గతమెంతో ఘనకీర్తి గలవోడా!
సాటిలేని జాతి..ఓట మెరుగని కోట
నివురుగప్పి నేడు..నిదురపోతుండాది
జైకొట్టి మెల్కోలుపు తెలుగోడా!

గతమెంతో ఘనకీర్తి గలవోడా! చేయెత్తి
వీర రక్తపుధార..వారబోసిన సీమ
పలనాడు నీదెరా..వెలనాడు నీదెరా
బాలచంద్రుడు చూడ ఎవడోయి!

తాండ్ర పాపయ్య గూడ నీవొడూ! చేయెత్తి
కాకతీయ రుద్రమ..మల్లమాంబా..మొల్ల
మగువ మాంచాల నీతోడ బుట్టినవాళ్ళే
వీరవనెతలగన్న తల్లేరా!

ధీరమాతల జన్మభూమేరా! చేయెత్తి
నాగర్జునుడికొండ..అమరావతీ స్థూపం
భావాల పుట్టాలో..జీవకళ పొదిగావు
అల్పుడను కావంచు తెల్పావు నీవు!

శిల్పినని చాటావు దేశదేశాలలో! చేయెత్తి
దేశమంటే మట్టి కాదన్నాడు
మునుషులన్న మాట మరువబోకన్నాడు
అమర కవి గురజాడ నీవాడురా!

ప్రజల కవితను చాటి చూపాడురా! చేయెత్తి
రాయలేలిన సీమ..రతనాల సీమరా
దాయగట్టె పరులు..దారి తీస్తుండారు
నోరెత్తి యడగరా దానోడా!

వారసుడ నీవెరా తెలుగోడా! చేయెత్తి
కల్లోల గౌతమీ..వెల్లువల కృష్ణమ్మ
తుంగభద్రా తల్లి..పోంగిపొరలిన చాలు
ధాన్యరాసులే పండు దేశానా!

కూడు గుడ్డకు కొదవలేదన్నా! చేయెత్తి
ముక్కోటి బలగమోయ్..ఒక్కటై మనముంటే
ఇరుగు పొరుగులోన..వూరు పేరుంటాది
తల్లి ఒక్కతే నీకు తెలుగోడా!

సవతి బిడ్డల పోరు మనకేలా! చేయెత్తి
పెనుగాలి వీచింది..అణగారి పోయింది
నట్టనడి సంద్రాన..నావ నిలుచుండాది
చుక్కాని బట్టారా తెలుగోడా!

నావ దరిజేర్చరా..మొనగాడా! చేయెత్తి

నాదేశం

నేను నాదేశం పవిత్ర భారత దేశం
సాటి లేనిది దీటు రానిది
శాంతి కి నిలయం మన దేశం

అశోకుడేలిన ధర్మ ప్రదేశం
బుద్ధుడు వెలసిన శా౦తి దేశం
బుద్ధం శరణం గచ్ఛామి..ధర్మం శరణం గచ్ఛామి..సంఘం శరణం గచ్ఛామి
అశోకుడేలిన ధర్మ ప్రదేశం
బుద్ధుడు వెలసిన శా౦తి దేశం


కులమత భేదం మాపిన త్యాగి
అమర బాపూజీ వెలసిన దేశం
వందేమాతరం..వందేమాతరం..వందేమా​తరం
కులమత భేదం మాపిన త్యాగి
అమర బాపూజీ వెలసిన దేశం
నేను నాదేశం పవిత్ర భారత దేశం!


కదం తొక్కిన వీర శివాజీ..వీర శివాజీ
వీర విహారిని ఝాన్సి రాణి..ఝాన్సి రాణి
స్వరాజ సమరుడు అల నేతాజీ
జైహింద్ జైహింద్ జైహింద్
స్వరాజ సమరుడు అల నేతాజీ
కట్ట బ్రహ్మణ పుట్టిన దేశం
నేను నాదేశం పవిత్ర భారత దేశం!


ఆజాద్ గోఖలే వల్లభ పటేలు లజపతి తిలక్ నౌరోజీలు
ఆజాద్ గోఖలే వల్లభ పటేలు లజపతి తిలక్ నౌరోజీలు
అ౦బులు కురిపిన మన అల్లూరీ
భగత్ రక్తం చిందిన దేశం
హిందుస్తాన్ హమారా హాయ్..హిందుస్తాన్ హమారా హాయ్..హిందుస్తాన్ హమారా హాయ్
నేను నాదేశం పవిత్ర భారత దేశం!


గు౦డ్ల తుపాకి చూపిన దొరలకు గుండె చూపే మన ఆంధ్ర కేసరి
మన ఆంధ్ర కేసరి
శాంతి దూత మన జవహర్ నెహ్రు
శాంతీ..శాంతీ..శాంతీ
శాంతి దూత మన జవహర్ నెహ్రు
లాల్ బహుదుర్ జన్మ దేశం
జై జవాన్..జై కిషాన్..జై జవాన్
నేను నాదేశం పవిత్ర భారత దేశం!

త్రిలింగ దేశం మనదేనోయ్

త్రిలింగ దేశం మనదేనోయ్

తెలుంగులంటే మనమేనోయ్

మధురం మధురం మధురం మధురం

ఆంధ్రమ్మంటే అతిమధురం

దేశభాషలా తీరుల్లోకీ..ఆంధ్రమ్మంటే అతిమధురం

రాయలు మనవాడోయ్

పండితరాయలు..మనవాడోయ్

కలం తిక్కనా..ఖడ్గ తిక్కనా

గణపతిదేవులు మనవారోయ్!

అమరావతి నాగార్జున కొండా

సిద్ధహస్తులా శిల్పాలోయ్

మల్లినాధ కుమారిభట్టులు

అందెవేసినా హస్తాలోయ్!

గోదావరి కృష్ణా..తుంగభద్రా పెన్నా

కనిపెంచినవోయ్ తెలుగుజాతిని

వినిపించనవోయ్ వీణానాదం!

ఓడలు కట్టామూ

మిటికి..మేడలు కట్టామూ

మున్నీరంతా ఏకరాశిగా

ముద్దరవేశామూ!

సంతలలో వజ్రాల రాసులూ

జలజలలాడినవీ

కుబేరతుల్యం మహదైశ్వర్యం

గొడుగుపట్టినాదీ!

కలకలలాడే తెలుగుదేవికి

గంధాగరుధూపం

కిలకిలలాడే తెలుంగు కన్నెల

కిన్నెరలాలాపం

బలం గడించీ..వెలుంగునింపే

తెలుంగుజండా "హు"

తెలుంగు భేరీ "ఢాం"

గణగణ గణగణ గణగణ గణగణ..

తెలుంగు జయఘంటా!

గణగణా గణాగణ, గణాగణా గణ..

తెలుంగు జయఘంటా....త్రి||

మేజర్‌ చంద్రకాంత్

రచన::జాలాది
గానం::బాలు,బృందం

బాలు::- పుణ్యభూమి నాదేశం నమో నమామీ..
ధన్య భూమి నాదేశం సదా స్మరామీ... ||2||
నన్ను కన్న నా దేశం నమో నమామీ
అన్నపూర్ణ నా దేశం సదా స్మరామీ
మహామహుల కన్నతల్లి నా దేశం
మహోజ్వలిత చరిత కన్న భాగ్యోదయదేశం..నా దేశం..
పుణ్యభూమి నా దేశం నమోనమామీ
ధన్య భూమి నాదేశం సదా స్మరామీ

అదిగో..ఛత్రపతీ..ధ్వజమెత్తిన ప్రజాపతీ..
మతోన్మాద శక్తులు చురకత్తులు ఝుళిపిస్తే
మానవతుల మాంగల్యం మంటగలుపుతుంటే

కోరస్‌: ఆ..ఆ..ఆ..ఆ

బాలు: ఆ క్షుద్ర రాజకీయానికి రుద్రనేత్రుడై లేచి..
మాతృభూమి నుదిటిపై నెత్తుటి తిలకం దిద్దిన
మహా వీరుడూ..సార్వభౌముడూ..

అడుగో అరి భయంకరుడు కట్ట బ్రహ్మనా..
అది వీర పాండ్య వంశాంకుర సింహ గర్జనా.. ||కో||

బాలు::- ఒరేయ్‌!..ఎందుకు కట్టాలిరా శిస్తూ
నారు పోశావా ? ..నీరు పెట్టావా ?..
కోత కోశావా ?..కుప్పనూర్చావా ??... ఒరేయ్‌! తెల్లకుక్కా
కష్ట జీవుల ముష్టి మెతుకులు తిని బ్రతికే నీకు
శిస్తెందుకు కట్టాలిరా ?
అని ఫెళ..ఫెళ సంకెళ్లు తెంచి..స్వరాజ్య పోరాటమెంచి
ఉరికొయ్యల ఉగ్గుపాలు తాగాడూ
కన్న భూమి నా దేశం నమోనమామీ ||ధన్య||
అదిగదిగో..అదిగదిగో
ఆకాశం భళ్ళున తెల్లారి..వస్తున్నాడదిగో
మన అగ్గి పిడుగు అల్లూరీ..||కో|

బాలు::- ఎవడురా నా భరత జాతిని..కప్పమడిగిన తుచ్ఛుడూ..?
ఎవడు..ఎవడా పొగరు పట్టిన..తెల్లదొరగాడెవ్వడు??
బ్రతుకు తెరువుకు దేశమొచ్చీ..బానిసలుగా మమ్మునెంచి
పన్నులడిగే కొమ్ములొచ్చిన..దమ్ములెవడికి వచ్చెరా
బడుగు జీవులు భగ్గుమంటే..ఉడకు నెత్తురు ఉప్పెనైతే
ఆ చండ్రనిప్పుల గండ్రగొడ్డలి..పన్నుగడతది..చూడరా
అన్నా..మన్నెం దొర అల్లూరిని చుట్టు ముట్టి
మందీ మార్బలం మెట్టి..మరఫిరంగు లెక్కుపెట్టి

కో::-..ఆ..ఆ..ఆ..ఆ

బాలు::-వందగుళ్ళు ఒక్కసారి పేల్చితే వందేమాతరం

కోరస్‌::-వందేమాతరం

బాలు::- వందేమాతరం

కోరస్‌::- వందేమాతరం

బాలు::- వందేమాతరం అన్నది ఆ..ఆకాశం
అజాదు హిందు ఫౌజు దళపతీ..నేతాజీ
అఖండ భరత జాతికన్న మరో శివాజీ
సాయుధ సంగ్రామమే న్యాయమనీ
స్వతంత్ర భారతావని మన స్వర్గమనీ
ప్రతి మనిషొక సైనికుడై..ప్రాణార్పణ చెయ్యాలని
హిందు ఫౌజు జైహిందని నడిపాడూ
గగన సిగల కెగసి కనుమరుగై పోయాడూ

కోరస్‌::- జోహార్‌..జోహార్‌..సుభాష్‌ చంద్రబోస్‌
జోహార్‌..జోహార్‌..సుభాష్‌ చంద్రబోస్‌


గాంధీజీ కలలుగన్న స్వరాజ్యం
సాధించే సమరంలో..అమర జ్యోతులై వెలిగే
ధృవతారల కన్నది ఈ దేశం..
చరితార్థుల కన్నది నా..భారతదేశం..నా దేశం ||పుణ్య||

బడిపంతులు

రచన::ఆత్రేయ
గానం::ఘంటసాల

భారతమాతకు జేజేలు..బంగరు భూమికి జేజేలు !
ఆ సేతు హిమాచల సస్యశ్యామల..జీవధాత్రికి జేజేలు! ||భారత||

త్రివేణి సంగమ పవిత్రభూమి
నాల్గు వేదములు పుట్టిన భూమి
గీతామృతమును పంచిన భూమి
పంచశీల బోధించిన భూమి
పిల్లలు::-పంచశీల బోధించిన భూమి ||భారత||

శాంతిదూతగా వెలసిన బాపూ
జాతి రత్నమై వెలిగిన నెహ్రూ
విప్లవ వీరులు వీరమాతలు
ముద్దుబిడ్డలై మురిసిన భూమి ||భారత||

సహజీవనము సమభావనము
సమతావాదమే వేదముగ
ప్రజాక్షేమము ప్రగతి మార్గము
లక్ష్యములైన విలక్షణ భూమి
పిల్లలు::-లక్ష్యములైన విలక్షణ భూమి ||భారత||

అల్లూరి సీతారామరాజు

రచన::శ్రీశ్రీ

గానం::ఘంటసాల,రామకృష్ణ బృందం

ఆలాపన::- ఓహో..హో..ఒహోహో..

పల్లవి::-తెలుగు వీర లేవరా..ఆ ఆ ఆ

దీక్షబూని సాగరా..ఆ ఆ ఆ

తెలుగు వీర లేవరా..దీక్షబూని సాగరా

దేశమాత స్వేచ్ఛకోరి..తిరుగుబాటు చెయ్యరా

తెలుగు వీర లేవరా..దీక్షబూని సాగరా

దేశమాత స్వేచ్ఛకోరి..తిరుగుబాటు చెయ్యరా

ఆ ఆ ఆ ఆ ఆ..ఆ ఆ ఆ ఆ ఆ

ఓహో..హో..ఓ ఓ ఓ

చరణం::- దారుణమారణ కాండకు తల్లడిల్ల వద్దురా

ఆ ఆ ఆ ఆ ఆ ఆ

నీతిలేని శాసనాలు నేటినుండి రద్దురా

ఆ ఆ ఆ ఆ ఆ ఆ

దారుణమారణ కాండకు తల్లడిల్ల వద్దురా

నీతిలేని శాసనాలు నేటినుండి రద్దురా

నిదురవద్దు..బెదరవద్దు..

నింగినీకు హద్దురా..హా..నింగినీకు హద్దురా

ఆ ఆ ఆ ఆ ఆ ఆ..ఆ ఆ ఆ ఆ ఆ

ఓహో..హో..ఓ ఓ ఓ

చరణం::- ఎవడు వాడు..ఎచటివాడు..

ఎవడు వాడు..ఎచటివాడు..ఇటు వచ్చిన తెల్లవాడు..

ఇటు వచ్చిన తెల్లవాడు

కండబలం..కొండ ఫలం..కబళించిన దుండగీడు..

కబళించిన దుండగీడు..

మానధనం..ప్రాణధనం దోచుకొనే

దొంగవాడు..దోచుకొనే దొంగవాడు

ఎవడువాడు..ఎచటివాడు

ఇటువచ్చిన తెల్లవాడు..తగిన శాస్తి

చెయ్యరా...తగిన శాస్తి చెయ్యరా

తరిమి తరిమి కొట్టరా..తరిమి తరిమి కొట్టరా

బృందం::-తెలుగు వీర లేవరా..దీక్షబూని సాగరా

దేశమాత స్వేచ్ఛకోరి..తిరుగుబాటు చెయ్యరా

ఆ ఆ ఆ ఆ ఆ..ఆ ఆ ఆ ఆ ఆ

చరణం::- ఈ దేశం..ఈ రాజ్యం..ఈ దేశం..ఈ రాజ్యం

నాదేనని చాటించి..

బృందం::- నాదేనని చాటించి ప్రతిమనిషి

తొడలు గొట్టి..శృంఖలాలు పగలగొట్టి...శృంఖలాలు పగలగొట్టి

చురకత్తులు పదును బెట్టి

తుది సమరం మొదలు బెట్టి..తుది సమరం మొదలు బెట్టి

సింహాలై గర్జించాలీ..సంహారం సాగించాలీ..

సమ్హారం సాగించాలీ..సమ్హారం సాగించాలీ

వందేమాతరం..వందేమాతరం..వందేమాతరం..వందేమాతరం..

రామకృష్ణ::- ఓ..ఓ..ఓ..ఓ..

స్వాతంత్య్ర వీరుడా! స్వరాజ్య భానుడా!

అల్లూరి సీతారామ రాజా..అల్లూరి సీతారామ రాజా!

బృందం::-స్వాతంత్య్ర వీరుడా! స్వరాజ్య భానుడా!

అల్లూరి సీతారామ రాజా..అల్లూరి సీతారామ రాజా

రామకృష్ణ::- అందుకో మా పూజలందుకో రాజా

బృందం::- అందుకో మా పూజలందుకో రాజా

అల్లూరి సీతారామ రాజా..అల్లూరి సీతారామ రాజా!

రామకృష్ణ::- ఓ..ఓ..ఓ..ఓ.

తెల్లవారి గుండెల్లో నిదురించిన

వాడా ! మా నిదురించిన పౌరుషాగ్ని

రగిలించిన వాడా!

బృందం::- తెల్లవారి గుండెల్లో నిదురించిన

వాడా ! మా నిదురించిన పౌరుషాగ్ని

రగిలించిన వాడా

రామకృష్ణ::-త్యాగాలే భరిస్తాం..కష్టాలే భరిస్తాం

బృందం::- త్యాగాలే భరిస్తాం..కష్టాలే భరిస్తాం

రామ::- నిశ్చయముగ..నిర్భయముగ నీ వెంటనె నడుస్తాం..

బృందం::-నిశ్చయముగ..నిర్భయముగ నీ వెంటనె నడుస్తాం..

నీ వెంటనె నడుస్తాం..

బృందం::- ఆఁ..ఆ..

పవిత్రబంధం

రచన::ఆరుద్ర
గానం::ఘంటసాల

గాంధి పుట్టిన దేశమా ఇది
నెహ్రు కోరిన సంఘమా ఇది
సామ్యవాదం రామరాజ్యం
సంభవించే కాలమా..||గాంధి|

సస్యశ్యామల దేశం..అయినా నిత్యం క్షామం
ఉప్పొంగే నదుల జీవజలాలు ఉప్పు సముద్రం పాలు
యువకుల శక్తికి భవితవ్యానికి ఇక్కడ తిలోదకాలు
ఉన్నది మనకు ఓటు..బ్రతుకు తెరువుకే లోటు||గాంధి||

సమ్మె ఘొరావు దొమ్మీ..బస్సుల దహనం లూఠీ
శాంత..సహనం సమధర్మంపై విరిగెను గూండాలాఠీ
అధికారంకై పెనుగులాటలో అన్నదమ్ముల పోటీ
హెచ్చెను హింసాద్వేషం..ఏమౌతుందీ దేశం ||గాంధి||

వ్యాపారాలకు పర్మిట్‌..వ్యవహారాలకు లైసెన్స్‌
అర్హతలేని ఉద్యోగాలు లంచం ఇస్తే ఓ యస్‌
సిపార్సు లేనిదె స్మశానమందు దొరకదు రవంత చోటు
పేరుకు ప్రజలది రాజ్యం..పెత్తందార్లకె భోజ్యం ||గాంధి||

విజయీ విశ్వతి రంగా ప్యారా

జాతీయ దూరదర్శన్ లో రిపబ్లిక్ మరియు స్వతంత్ర దినోత్సవాలప్పుడు వినిపించే ఓ మంచి పాట ఇది. ఎవరు పాడారో తెలియదు గాని రాసినది మాత్రం శ్యామల్ గుప్తా.
-------------------------------------------
విజయీ విశ్వతి రంగా ప్యారా
ఝండా ఊ౦ఛా రహే హమారా!!

సదా శక్తి సరసనే వాల..ప్రేమ సుధా బరస్ నే వాల
వీరో౦కో హరస్ నే వాల..మాత్రుభూమి క తన్ - మన్ సార

విజయీ విశ్వతి రంగా ప్యారా
ఝండా ఊ౦ఛా రహే హమారా!!

ఆవో ప్యారే వీరోఁ ఆవో ...దేశ్ ధర్మ పర్ బలి బలి జావో
ఏక్ సాత్ సబ్ మిల్కర్ గావో...ప్యారా భారత్ దేశ్ హమారా

విజయీ విశ్వతి రంగా ప్యారా
ఝండా ఊ౦ఛా రహే హమారా!!

షాన్ నా ఇస్కీ జానే పాయే ...చాహే జాన్ బలేహీ జాయే
సత్య కి విజయ్ కర్ దిఖ్ లాయే...తబ్ హోవే పూర్న్ హమారా

విజయీ విశ్వతి రంగా ప్యారా
ఝండా ఊ౦ఛా రహే హమారా!!

దేశంలో దొంగలు పడ్డారు--1985:::కదన కుతూహల::రాగం

సంగీతం::చక్రవర్తి
రచన::అదృష్టదీపక్ 
గానం::S.P.బాలు, P.సుశీల 
తారాగణం::P.L. నారాయణ , సుమన్, విజయ శాంతి
కదన కుతూహల::రాగం

ఉదయించని ఉదయం కోసం
ఎద ఎదలో రగిలెను హోమం
ఉదయించని ఉదయం కోసం
ఎద ఎదలో రగిలెను హోమం
అణగారిన ఆర్తుల కంఠం నినదించెను శంఖారావం
వందే మాతరం..వందే మాతరం
ఇది కదన కుతూహల రాగం తుది కదనానికి నాందీ గీతం 
వందే.మాతరం..వందే మాతరం

:::1

ధీరులెందరో నేలకొరిగినా..విరామమెరుగని గానం
చెలరేగిన జనసందోహానికి..అలజడి ఒకటే ప్రాణం
వందే మాతరం..వందే మాతరం.. 
ఇది కదన కుతూహల రాగం తుది కదనానికి నాందీ గీతం 

:::2

రామరాజు చిందించిన రక్తం..యువతకు తిలకం దిద్దాలి 
వందే మాతరం..వందే మాతరం
భగత్ సింగ్ వీరావేశం..మీలో కలిగించాలి ఆవేశం
వందే మాతరం..వందే మాతరం

తల్లీ భారతి వందనము

తల్లీ భారతి వందనము
నీ ఇల్లే మా నందనము
తల్లీ భారతి వందనము
నీ ఇల్లే మా నందనము
మేమంతా నీ పిల్లలము
మేమంతా నీ పిల్లలము
నీ చల్లని ఒడిలో మల్లెలము
తల్లీ భారతి వందనము
నీ ఇల్లే మా నందనము
తల్లీ భారతి వందనము
నీ ఇల్లే మా నందనము

చదువులు బాగా చదివెదమమ్మా
జాతి గౌరవం పెంచెదమమ్మా
చదువులు బాగా చదివెదమమ్మా
జాతి గౌరవం పెంచెదమమ్మా
తల్లిదండ్రులను గురువులను
తల్లిదండ్రులను గురువులను
ఎల్ల వేళలా కొలిచెదమమ్మా
తల్లీ భారతి వందనము
నీ ఇల్లే మా నందనము
తల్లీ భారతి వందనము
నీ ఇల్లే మా నందనము

కుల మత భేదం మరిచెదము
కలతలు మాని మెలగెదము
కుల మత భేదం మరిచెదము
కలతలు మాని మెలగెదము
మానవులంతా సమానమంటూ
మానవులంతా సమానమంటూ
మమతను సమతను పెంచెదము
తల్లీ భారతి వందనము
నీ ఇల్లే మా నందనము
తల్లీ భారతి వందనము
నీ ఇల్లే మా నందన

తెలుగుజాతికి అభ్యుదయం
నవభారతికి నవోదయం
తెలుగుజాతికి అభ్యుదయం
నవభారతికి నవోదయం
భావి పౌరులం మనం మనం
భావి పౌరులం మనం మనం
భారత జనులకు జయం జయం
తల్లీ భారతి వందనము
నీ ఇల్లే మా నందనము
తల్లీ భారతి వందనము
నీ ఇల్లే మా నందన
మేమంతా నీ పిల్లలము
మేమంతా నీ పిల్లలము
నీ చల్లని ఒడిలో మల్లెలము
తల్లీ భారతి వందనము
నీ ఇల్లే మా నందనము
తల్లీ భారతి వందనము
నీ ఇల్లే మా నందనము