Sunday, October 03, 2010

భార్యాబిడ్డలు--1972


























సంగీతం::K.V.మహాదేవన్
రచన::ఆచార్య-ఆత్రేయ
గానం::ఘంటసాల,L.R.ఈశ్వరీ

పల్లవి::

ఆ ఆహా..ఆహ్హ ఆహ్హ..ఆ ఓ ఓఓఓఓ 
ఆ ఆహా..ఆహ్హ ఆహ్హ..ఆ ఓ ఓఓఓఓ 

ఆకులు పోకలు ఇవ్వద్దు..నోరు ఎర్రగ చేయద్దు
ఆకులు పోకలు ఇవ్వద్దు..నా నోరు ఎర్రగ చేయద్దు
ఆశలు నాలో రేపద్దు..నా వయసుకు అల్లరి నేర్పద్దు..పాపా..పాపా

ఆకులు పోకలు ఇవ్వద్దు..నోరు ఎర్రగ చేయద్దు
ఆకులు పోకలు ఇవ్వద్దు..నా నోరు ఎర్రగ చేయద్దు
ఆశలు నాలో రేపద్దు..నా వయసుకు అల్లరి నేర్పద్దు..మావా..మావా

పా..పా...మావా...
అ ఆహా..ఓ..హో..అ ఆ హా ఓ..హో

చరణం::1

ఊరుకొన్న నన్ను నువ్వే ఊరించావు
నే నోపలేనంతగా ఉడికించావు

ఊరుకొన్న నన్ను నువ్వే ఊరించావు
నే నోపలేనంతగా ఉడికించావు

ఊరించానా..నిన్నుడికించానా
ఊరించానా..నిన్నుడికించానా
ఉత్తొత్తి నిందలేస్తే ఒప్పుకోనూ.. 
నాకుడుకెక్కిందంటే నేనూరుకోనూ..పాపా..పాపా..

ఆకులు పోకలు ఇవ్వద్దు..నా నోరు ఎర్రగ చేయద్దు
ఆశలు నాలో రేపద్దు..నా వయసుకు అల్లరి నేర్పద్దు..పాపా..పాపా..

మావా..ఆ ఆ ఆ..పాపా..

చరణం::2

ఎర్రని పెదవిని పంట నొక్కకు
నన్ను వెర్రివాణ్ణి చేసి నీ వెంట తిప్పకు

ఎర్రని పెదవిని పంట నొక్కకు
నన్ను వెర్రివాణ్ణి చేసి నీ వెంట తిప్పకు

పంట నొక్కానా..నే వెంట తిప్పానా..
పంట నొక్కానా..నే వెంట తిప్పానా..
గజ్జల గుర్రమంటి కన్నె పిల్లకు
కళ్ళతోటి కళ్ళమేసి కదం తొక్కకూ..మావా..మావా..

ఆకులు పోకలు ఇవ్వద్దు..నా నోరు ఎర్రగ చేయద్దు
ఆశలు నాలో రేపద్దు..నా వయసుకు అల్లరి నేర్పద్దు..మావా..మావా..

పాపా..ఆ ఆ ఆ..మావా..

అ ఆహా..ఓ..హో..అ ఆ హా ఓ..హో

చరణం::3

ముద్దు ముద్దుగా నన్ను చూసుకున్నావు
వద్దు వద్దన్న నిన్ను నేనొదిలి పెట్టను

ముద్దు ముద్దుగా నన్ను చూసుకున్నావు
వద్దు వద్దన్న నిన్ను నేనొదిలి పెట్టను

వద్దన్నానా..ననొదలమన్నానా..
పొద్దంతా నీతోటే గడచిపోతది..
నీ ముద్దు మొగంతోనె నాకు పొద్దు పొడిచేది..పాపా..పాపా

ఆకులు పోకలు ఇవ్వద్దు..నా నోరు ఎర్రగ చేయద్దు
ఆశలు నాలో రేపద్దు..నా వయసుకు అల్లరి నేర్పద్దు..మావా..పాపా..

మావా..ఆ ఆ ఆ..పాపా..హేయ్....య్య....

భార్యాబిడ్డలు--1972

























సంగీతం::K.V.మహాదేవన్
రచన::ఆచార్య-ఆత్రేయ
గానం::ఘంటసాల

పల్లవి::

లేని బాట వెతుకుతున్న పేద వానికి
రాని పాట పాడుకున్న పిచ్చివానికి
బ్రతుకు పూలబాట కాదు
అది పరవశించి పాడుకునే పాటకాదు
బ్రతుకు పూలబాటకాదు

చరణం::1

దోబూచులాడుతుంది విధి మనతో
దొంగాటలాడుతుంది మనసులతో
దోబూచులాడుతుంది విధి మనతో
దొంగాటలాడుతుంది మనసులతో
కనిపించే నవ్వులన్ని నవ్వులు కావు
అవి బ్రతుకు తెరువు కోసం పెదవులాడు కల్లలు 

బ్రతుకు పూలబాటకాదు
అది పరవశించి పాడుకునే పాటకాదు
బ్రతుకు పూలబాటకాదు

చరణం::2

మాటలలో చిక్కుబడి మనసు నలిగిపోతుంది
మనసులేని మాటలనే మనం నమ్ముతున్నది
పలుకలేని ప్రతి గుండె బాధతో నిండినది
ఆ ఆ ఆ......
ఒలికే ప్రతి కన్నీటి చుక్క వెచ్చగా ఉంటుంది 

బ్రతుకు పూలబాటకాదు
అది పరవశించి పాడుకునే పాటకాదు
బ్రతుకు పూలబాటకాదు

చరణం::3

చీకటిలో వెలుగును చూడ నేర్చుకో
చమటలో స్వర్గాన్ని సృష్టి చేసుకో

చీకటిలో వెలుగును చూడ నేర్చుకో
చమటలో స్వర్గాన్ని సృష్టి చేసుకో

విధి వ్రాసిన వ్రాతలకు విరుగుడొక్కటే
పదిమందితోటి పంచుకునే రోజు వచ్చుటే..ఆ రోజు వచ్చులే !!

బ్రతుకు పూలబాటకాదు
అది పరవశించి పాడుకునే పాటకాదు
బ్రతుకు పూలబాటకాదు