Sunday, January 27, 2013

సప్తపది--1981



సంగీతం::K.V.మహదేవన్
రచన::వేటూరి సుందర రామమూర్తి
గానం::P.సుశీల
తారాగణం::K.V.సోమయాజులు,సవిత,గిరీష్,అల్లు రామలింగయ్య,రమణమూర్తి,సాక్షి రంగారావు 

పల్లవి::

వ్రేపల్లియ ఎద ఝల్లున పొంగిన రవళీ
నవరస మురళీ..ఆ నందన మురళీ
ఇదేనా ఇదేనా ఆ మురళి..మొహనమురళీ
ఇదేనా ఆ మురళీ

వ్రేపల్లియ ఎద ఝల్లున పొంగిన రవళీ
నవరస మురళీ..ఆనందన మురళీ
ఇదేనా ఇదేనా ఆ మురళి..మొహనమురళీ
ఇదేనా ఆ మురళీ

చరణం::1

కాళింది మడుగునా కాళియుని పడగలా
ఆబాల గోపాల మాబాల గోపాలుని
కాళింది మడుగునా కాళియుని పడగలా
ఆబాల గోపాల మాబాల గోపాలుని
అచ్చెరువున అచ్చెరువున విచ్చిన కన్నులజూడ
అచ్చెరువున అచ్చెరువున విచ్చిన కన్నులజూడ
తాండవమాడిన సరళి గుండెల మ్రోగిన మురళి
ఇదేనా..ఇదేనా ఆ మురళీ

చరణం::2

అనగల రాగమై..తొలుత వీనులలరించి
అనలేని రాగమై..మరలా వినిపించీ మరులే కురిపించి
అనగల రాగమై..తొలుత వీనులలరించి
అనలేని రాగమై..మరలా వినిపించీ మరులే కురిపించి
జీవన రాగమై..బృందావన..గీతమై
ఆ..జీవన రాగమై..బృందావన..గీతమై
కన్నెల కన్నుల కలువల..వెన్నెల దోచిన మురళి
ఇదేనా.....ఇదేనా..ఆ..మురళీ

వేణుగానలోలుని..మురిపించిన రవళి..
నటనల సరళి..ఆ నందనమురళీ
ఇదేనా..ఆ..మురలి..మువ్వల మురళీ
ఇదేనా..ఆ..మురళీ

చరణం::3

మధురానగరిలో..యమునా లహరిలో
ఆ రాధ ఆరాధనా..గీతి పలికించి
మధురానగరిలో..యమునా లహరిలో
ఆ రాధ ఆరాధనా..గీతి పలికించి
సంగీత నాట్యాల..సంగమ సుఖ వేణువై
ఆ..ఆ..ఆసంగీత నాట్యాల..సంగమ సుఖ వేణువై
రాసలీలకే ఊపిరిపోసిన..అందెల రవళి
ఇదేనా..ఇదేనా..ఆ..మురళీ 

వ్రేపల్లియ ఎద ఝల్లున..పొంగిన రవళీ
నవరస మురళీ..ఆనందన మురళీ
ఇదేనా ఇదేనా..ఆ..మురళి..మొహనమురళీ
ఇదేనా..ఆ..మురళి..