Monday, July 08, 2013

సప్తపది--1981



సంగీతం::K.V.మహదేవన్
రచన::వేటూరి సుందర రామమూర్తి
గానం::S.P.బాలు,S.జానకి
తారాగణం::K.V.సోమయాజులు,సవిత,గిరీష్,అల్లు రామలింగయ్య,రమణమూర్తి,సాక్షి రంగారావు 

పల్లవి:: 

ఏ కులము నీదంటే గోకులము నవ్వింది
మాధవుడు యాదవుడు మా కులమే లెమ్మంది
ఏ కులము నీదంటే గోకులము నవ్వింది
మాధవుడు యాదవుడు మా కులమే లెమ్మంది 

చరణం::1

ఏడు వర్ణాలు కలిసి ఇంద్రధనస్సవుతాది
అన్నీ వర్ణాలకు ఒకటే ఇహము పరముంటాది
ఏడు వర్ణాలు కలిసి ఇంద్రధనస్సవుతాది
అన్నీ వర్ణాలకు ఒకటే ఇహము పరముంటాది

ఏ కులము నీదంటే గోకులము నవ్వింది
మాధవుడు యాదవుడు మా కులమే లెమ్మంది 

చరణం::2

ఆది నుంచి ఆకాశం మూగది
అనాదిగా తల్లి ధరణి మూగది
ఆది నుంచి ఆకాశం మూగది
అనాదిగా తల్లి ధరణి మూగది

నడుమ వచ్చి ఉరుముతాయి మబ్బులు
నడుమ వచ్చి ఉరుముతాయి మబ్బులు
ఈ నడమంత్రపు మనుషులకే మాటలు ఇన్ని మాటలు
ఏ కులము నీదంటే గోకులము నవ్వింది
మాధవుడు యాదవుడు మా కులమే లెమ్మంది

సిరివెన్నెల--1986



సంగీతం::K.V.మహదేవన్
రచన::సిరివెన్నెల
గానం::S.P.బాలు
తారాగణం::సుహాసిని,సర్వదమన్ బెనర్జీ,మూన్ మూన్ సేన్,సాక్షి రంగారావు,సుధాకర్,సంయుక్త,శుభ

పల్లవి::

ఆది బిక్షువు..వాడినేది కోరేది
బూడిదిచ్చే..వాడినేది అడిగేది
ఆది బిక్షువు..వాడినేది కోరేది
బూడిదిచ్చే..వాడినేది అడిగేది
ఏది కోరేది..వాడినేది అడిగేది
ఏది కోరేది..వాడినేది అడిగేది 

చరణం::1  

తీపి రాగాల కోయిలమ్మకు 
నల్ల రంగునలమిన వాడినేది కోరేది
తీపి రాగాల కోయిలమ్మకు 
నల్ల రంగునలమిన వాడినేది కోరేది
కరకు గర్జనల మేఘముల మేనికి
మెరుపు హంగు కూర్చిన వాడినేది అడిగేది
ఏది కోరేది వాడినేది అడిగేది
ఏది కోరేది వాడినేది అడిగేది 

చరణం::2 

తేనెలొలికే..పూల బాలలకు
మూన్నాళ్ల ఆయువిచ్చిన వాడినేది కోరేది
తేనెలొలికే..పూల బాలలకు
మూన్నాళ్ల ఆయువిచ్చిన వాడినేది కోరేది
బండ రాల్లను చిరాయువగ జీవించమని 
ఆనతిచ్చిన..వాడినేది అడిగేది
ఏది కోరేది..వాడినేది అడిగేది
ఏది కోరేది..వాడినేది అడిగేది

చరణం::3 

గిరిబాలతో తనకు కల్యాణ మొనరింప దరిజేరు
మన్మధుని మసి చేసినాడు వాడినేది కోరేది
వర గర్వమున మూడు లోకాలు పీడింప తలపోయు
ధనుజులను కరుణించినాడు వాడినేది అడిగేది

ముఖ ప్రీతి కోరేటి ఉగ్గు శంకరుడు వాడినేది కోరేది
ముక్కంటి..ముక్కోపి..ముక్కంటి..ముక్కోపి..తిక్క శంకరుడు

ఆది బిక్షువు..వాడినేది కోరేది..
బూడిదిచ్చే..వాడినేది అడిగేది
ఏది కోరేది..వాడినేది అడిగేది
ఏది కోరేది..వాడినేది అడిగేది 

కోటలో పాగ--1976



సంగీతం::J.V.రాఘవులు
రచన::D.C.నారాయణరెడ్డి
గానం::S.P.బాలు, P. సుశీల


పల్లవి::


పువ్వు దాగినా తావి దాగదు
నీవు దాగినా నీడ దాగదు
పువ్వు దాగినా తావి దాగదు
నీవు దాగినా నీడ దాగదు..
నీడ దాగదు

సెలయేటి కెరటాల పరుగు ఆగదు..ఊ..
సెలయేటి కెరటాల పరుగు ఆగదు..
వలచేటి హృదయాల ప్రేమ ఆగదు
ప్రేమ ఆగదు

పువ్వు దాగినా తావి దాగదు
నీవు దాగినా నీడ దాగదు..
నీడ దాగదు

చరణం::1

కదిలేటి అధరాల కథలున్నవి...
మదిలోన మధురాల సుధలున్నవి
కదిలేటి అధరాల కథలున్నవి...
మదిలోన మధురాల సుధలున్నవి

కలలోన కవ్వించు రూపానివి
కలలోన కవ్వించు రూపానివి
కనుపాపలోనున్న దీపానివి...

పువ్వు దాగినా తావి దాగదు
నీవు దాగినా నీడ దాగదు..
నీడ దాగదు

చరణం::2

నీ నీలికేశాల తెరచాపనై..
నీలాలగగనాల తేలించనా..
నీ నీలికేశాల తెరచాపనై..
నీలాలగగనాల తేలించనా..

మరుమల్లెగా మారి మురిపించనా...
మరుమల్లెగా మారి మురిపించనా
మరులూరపరువాలు కురిపించనా

పువ్వు దాగినా తావి దాగదు
నీవు దాగినా నీడ దాగదు..

సెలయేటి కెరటాల పరుగు ఆగదు
వలచేటి హృదయాల ప్రేమ ఆగదు..
ప్రేమ ఆగదు

పువ్వు దాగినా తావి దాగదు
నీవు దాగినా నీడ దాగదు..
నీడ దాగదు