ఆడపడుచు--1967

సంగీతం::T.చలపతిరావ్
రచన::ఆరుద్ర
గానం::P.సుశీల,బృందం

ఆ..ఆ..ఆ..ఆ..ఆ..ఆ..ఆ..ఆ..
మది తుళ్ళి తుళ్ళి తుళ్ళి ఎగిరిందీ
ఊహ ఉలికి ఉలికి పడుతోందీ...
సిగ్గు చెవిలోన గుస గుస లాడిందీ..2

ఆ..ఆ..ఆ..ఆ..ఆ..ఆ..ఆ..ఆ..
పెళ్ళిచూపుల్లో ఏదో వెరపు..
వెళ్ళిపోయాక ఒకటే తలపు
పెళ్ళిచూపుల్లో ఏదో వెరపు..
వెళ్ళిపోయాక ఒకటే తలపు
రెండు నిముషాలలో కోటిపులకింతలై..2
నిండుమదిలోన నెలకొంది తనరూపు

మది తుళ్ళి తుళ్ళి తుళ్ళి ఎగిరిందీ
ఊహ ఉలికి ఉలికి పడుతోందీ...
సిగ్గు చెవిలోన గుస గుస లాడిందీ..

ఓహో...ఓ..ఓ..ఓ..ఓ........
ఏల అదిరింది నా ఎడమకన్నూ..
ఏల తనపేరు ఊరించెనన్నూ
ఏల అదిరింది నా ఎడమకన్నూ..
ఏల తనపేరు ఊరించెనన్నూ
వలపు ఉయ్యాలపై..పూలజంపాలపై..2
ఆశ ఆకాశ వీధుల్లో ఊగింది..

మది తుళ్ళి తుళ్ళి తుళ్ళి ఎగిరిందీ
ఊహ ఉలికి ఉలికి పడుతోందీ...
సిగ్గు చెవిలోన గుస గుస లాడిందీ..

ఆ..ఆ..ఆ..ఆ..ఆ..ఆ..ఆ..ఆ..ఆ....

ఇంత సంతోషమిపుడే కలిగే..
ఇంక రాబోవు సుఖమెంతొకలదు..
ఇంత సంతోషమిపుడే కలిగే..
ఇంక రాబోవు సుఖమెంతొకలదు..
పగటి కలలన్నియు పసిడి గనులైనచో..2
పట్టలేదేమొ నా మూగ మనసు..

మది తుళ్ళి తుళ్ళి తుళ్ళి ఎగిరిందీ
ఊహ ఉలికి ఉలికి పడుతోందీ...
సిగ్గు చెవిలోన గుస గుస లాడిందీ..

శ్రీకృష్ణ విజయం--1971

సంగీతం::పెండ్యాల నాగేశ్వరరావు
రచన::దాశరథి
గానం::ఘంటసాల
తారాగణం::N.T.రామారావు,కాంతారావు,S.V.రంగారావు,జమున,జయలలిత

పల్లవి::

జయహే నవనీలమేఘశ్యామా..వన మాలికాభిరామా 
జయహే నవనీలమేఘశ్యామా..వనమాలికాభిరామా 
జయహే నవనీలమేఘశ్యామా..వనమాలికాభిరామా 
నీ గానమ్ములో ఈ లోకమ్ములే పులకించు 
దేవ దేవా..ఆఆ..పులకించు దేవ దేవా..ఆఆ 
జయహే నవ నీల మేఘ శ్యామా..వన మాలికాభిరామా 

చరణం::1

వేదాల కొసలందు వెలుగొందు స్వామీ..రేపల్లె వాడలో వెలసినావేమీ
మానవుని దేవునిగ మలచనే గాదా..ఆఆఆఆఆ 
మానవుని దేవునిగ..మలచనేగాదా
అవులే..సరేలే..భలే లీలలే  
జయహే నవ నీల మేఘ శ్యామా..వన మాలికాభిరామా 

చరణం::2

ఇలలోన ధర్మమ్ము నెలకొల్పనెంచి..ఎన్నెన్నో రూపల ఏతెంతువీవు 
ఇలలోన ధర్మమ్ము నెలకొల్పనెంచి..ఎన్నెన్నో రూపల ఏతెంతువీవు 
వేడిన వారిని విడనాడబోవు..నిజంనిజం ముమ్మాటికిది నిజం
ఆ ఆ ఆ ఆ ఆ ఆ ఆ ఆ ఆ ఆ ఆ ఆ
జయహే నవ నీల మేఘ శ్యామా..వన మాలికాభిరామా 

చరణం::3

మధురం మధురం..అధరం మధురం
అధరం సోకిన..వేణువు మధురం
మధురం మధురం..అధరం మధురం
అధరం సోకిన..వేణువు మధురం
నామం మధురం..రూపం మధురం
పిలుపే మధురం..తలపే మధురం..నీవే..ఏ..మధురం

ఆడపడుచు--1967

సంగీతం::T.చలపతి రావ్
రచన::?
గానం::P.సుశీల

అన్నా నీ అనురాగం
ఎన్నొ జన్మల పుణ్యఫలం
ఓ అన్నా నీ అనురాగం

పుట్టినరోజున మీ దీవెనలే
వెన్నెలకన్నా చల్లదనం
ఓ అన్నా మీ అనురాగం!

మల్లెలవంటీ మీ మనసులలో
చెల్లికీ చోటుంచాలీ
ఎల్లకాలమూ..ఈతీరుగనే
చెల్లిని కాపాడాలీ..ఈ..
పుట్టినరోజున మీ దీవెనలే
వెన్నెలకన్నా చల్లదనం
అన్నా నీ అనురాగం
ఎన్నొ జన్మల పుణ్యఫలం
ఓ అన్నా నీ అనురాగం

అన్నలు మీరే నా కన్నులుగా
నన్నె నడిపించాలి....
తల్లీ తండ్రీ సర్వము మీరై
దయతో జీవించాలీ..
పుట్టినరోజున మీ దీవెనలే
వెన్నెలకన్నా చల్లదనం
ఓ అన్నా మీ అనురాగం
ఎన్నొ జన్మల పుణ్యఫలం
ఓ అన్నా నీ అనురాగం

ఇల్లాలై నీ ఎచటికేగినా..
చెల్లి మదిలో నిలపాలీ...
ఆడపడుచుకూ..అన్నివేళలా..
తోడునీడగా నిలవాలీ...

పుట్టినరోజున మీ దీవెనలే
వెన్నెలకన్నా చల్లదనం
ఓ అన్నా మీ అనురాగం
ఎన్నొ జన్మల పుణ్యఫలం
ఓ అన్నా............