జీవన తరంగాలు--1973

సంగీతం::J.V.రాఘవులురచన::ఆత్రేయ
గానం::ఘంటసాల,P.సుశీల

ఈ అందానికి బంధం వేశానొకనాడు
ఆ బంధమె నాకందమైనది ఈ నాడు
ఈ అందానికి బంధం వేశానొకనాడు
ఆ బంధమె నాకందమైనది ఈ నాడు
నీ కళ్ళు ఆనాడు ఎరుపెక్కెను
నేడు ఆ ఎరుపె నీ బుగ్గపై పాకెను
ఊహూ...
నీ కళ్ళు ఆనాడు ఎరుపెక్కెను
నేడు ఆ ఎరుపె నీ బుగ్గపై పాకెను
నీ చేతులానాడు చెరలాయెను
నేడు ఆ చెరలె కౌగిలై పెనవేసెను
ఈ అందానికి బంధం వేసానొకనాడు
ఆ బంధమె నాకందమైనది ఈ నాడు !!
నీ వేడి లోనే నా చలువ ఉందని
వాన ఎండను చేరింది
నీ చలువే నా వేడికి విలువని
ఎండే వానను మెచ్చింది
నీ వేడి లోనే నా చలువ ఉందని
వాన ఎండను చేరింది
నీ చలువే నా వేడికి విలువని
ఎండే వానను మెచ్చింది
ఇద్దరు కలిసిన ఆ ఒద్దికలో
ఇంధ్ర ధనస్సే విరిసింది
ఏడు రంగుల ముగ్గును వేసి
నింగీ నేలను కలిపింది
ప్రేమకు పెళ్ళే చేసింది
ఈ అందానికి బంధం వేసానొకనాడు
ఆ బంధమె నాకందమైనది ఈ నాడు
ఆహాహా ఆహాహా!!!

జీవన తరంగాలు--1973

సంగీతం::J.V.రాఘవులు
రచన::C.నారాయణ రెడ్డి
గానం::L.R.ఈశ్వరీ

నందామయా గురుడ నందామయా
ఉందామయా తెలుసుకొందామయా

మెరిసే సంఘం మేడిపండు
దాని పొట్టవిప్పి చూస్తే పురుగులుండు
మెరిసే సంఘం మేడిపండు
దాని పొట్టవిప్పి చూస్తే పురుగులుండు
ఆ కుళ్ళు లేని చోటూ ఇక్కడే 2
అనుభవించు రాజా ఇప్పుడే
ఆనందసారం ఇంతేనయా2

నందామయా..గురుడ నందామయా
ఉందామయా..తెలుసుకొందామయా !!

పుట్టీనప్పుడు బట్టకట్టలేదు
పోయే టప్పుడు అది వెంటరాదు
పుట్టీనప్పుడు బట్టకట్టలేదు
పోయే టప్పుడు అది వెంటరాదు
నడుమ బట్టకడితే నగుబాటు
నాగరీకం ముదిరితే పొరబాటు
వేదాంతసారం ఇంతేనయా 2

నందామయా..గురుడ నందామయా
ఉందామయా..తెలుసుకొందామయా !!