బడిపంతులు

రచన::ఆత్రేయ
గానం::ఘంటసాల

భారతమాతకు జేజేలు..బంగరు భూమికి జేజేలు !
ఆ సేతు హిమాచల సస్యశ్యామల..జీవధాత్రికి జేజేలు! ||భారత||

త్రివేణి సంగమ పవిత్రభూమి
నాల్గు వేదములు పుట్టిన భూమి
గీతామృతమును పంచిన భూమి
పంచశీల బోధించిన భూమి
పిల్లలు::-పంచశీల బోధించిన భూమి ||భారత||

శాంతిదూతగా వెలసిన బాపూ
జాతి రత్నమై వెలిగిన నెహ్రూ
విప్లవ వీరులు వీరమాతలు
ముద్దుబిడ్డలై మురిసిన భూమి ||భారత||

సహజీవనము సమభావనము
సమతావాదమే వేదముగ
ప్రజాక్షేమము ప్రగతి మార్గము
లక్ష్యములైన విలక్షణ భూమి
పిల్లలు::-లక్ష్యములైన విలక్షణ భూమి ||భారత||