Monday, November 24, 2008

కూతురు కోడలు--1971















సంగీతం::K.V.మహదేవన్
రచన::దాశరథి
గానం::B.వసంత,S.P.బాలు
తారాగణం::శోభన్ బాబు,రామ్మోహన్,ప్రభాకర రెడ్డి,గీతాంజలి,జయలలిత,రావికొండలరావు

పల్లవి::

గాజులు ఘల్లనగానే జాజులు గుం గుం గుమ్మనగానే 
నీవే అనుకున్నాలే అది నీవే అనుకున్నాలే
తుమ్మెద గుం గుం గుమ్మనగానే తెమ్మెర రా రమ్మనగానే 
నీవే అనుకున్నాలే..అది నీవే అనుకున్నాలే

చరణం::1

నీ కాటుక కన్నుల సొగసు నీ చెంగునదూకే వయసు 
నన్నెంతో తొందరచేసే నీ కౌగిట బందీచేసే
వెచ్చని వెన్నెలలోన విచ్చిన కలువనుచూసీ 
నీవే అనుకున్నాలే..అది నీవే అనుకున్నాలే

చరణం::2

నీ కదిలే పెదవులు చూసీ నా మెరిసే చెక్కిలి మురిసి 
నీ వెచ్చని వొడిలోచేరి నా వయసే పొంగెను నేడే
కోయిల కోయనగానే కొమ్మల వోయనగానే 
నీవే అనుకున్నాలే..అది నీవే అనుకున్నాలే

చరణం::3

నలనల్లని ఆకాశంలో తెలతెల్లని మేఘంలాగా 
నల్లని ఆకాశంలో తెలతెల్లని మేఘంలాగా 
నీ నీలికురులలో విరిసే మరుమల్లెలు నావే నావే
నీ హృదయపు పందిరిమీద పెనవేసిన మమతల తీగ  
హృదయపు పందిరిమీద పెనవేసిన మమతల తీగ
విరబూసిన వలపుల పూలే ఏ నాటికి నావే నావే 

గాజులు ఘల్లనగానే జాజులు గుమ్మనగానే 
నీవే అనుకున్నాలే అది నీవే అనుకున్నాలే
తుమ్మెద ఝుమ్మనగానే  తెమ్మెర రమ్మనగానే 
నీవే అనుకున్నాలే..అది నీవే అనుకున్నాలే
లలలాలాలాలాలలలలలాలాలాలాలలలలా