చిననాటి స్నేహితులు--1971

సంగీతం::T.V.రాజు
రచన::D.C.నారాయణరెడ్డి
గానం::P.సుశీల 
తారాగణం::N.T.రామారావు,జగ్గయ్య,దేవిక,శోభన్‌బాబు,వాణిశ్రీ.

పల్లవి::

ఏమని తెలుపనురా..స్వామీ
ఏమని తెలుపనురా..ఏమని తెలుపనురా  
తొలిచూపులోనే..ఏ గిలిగింతలాయెనో
తొలిచూపులోనే..ఏ గిలిగింతలాయెనో 
ఏమని తెలుపనురా..ఏమని తెలుపనురా 

చరణం::1

చిననాటి కథలేవో తెలిపీ..చేయి కలిపీ
కొనగోట నునుబుగ్గ మీటీ..కన్ను గీటీ
చెమరించు నామేను చిరుగాలివలె తాకి
ఆ ఆ ఆ ఆ ఆ ఆ ఆ ఆ ఆ ఆ
చెమరించు నామేను చిరుగాలివలె తాకి
మనసు తెలిసి..మరులు కురిసి
కన్నియ మది..కరగించిన గడసరివని
ఏమని ఏమని.. ఏమని..ఇంకేమనీ తెలుపనురా
ఏమని తెలుపనురా..ఏమని తెలుపనురా

చరణం::2

యెదలోని పొదరింటచేరీ..నన్నే కోరీ
పదునైన తలపేదోరేపీ..ఆశ చూపీ
రసలోక శిఖరాల..కొసలేవొ చూపించి
ఆ ఆ ఆ ఆ ఆ ఆ ఆ ఆ ఆ ఆ
రసలోక శిఖరాల.. కొసలేవొ చూపించి 
ఏమనందు ఇంకముందు..కేరింతలు పులకింతల తేలింతూ  
ఏమని ఏమని..ఏమని ఇంకేమనీ తెలుపనురా
ఏమని తెలుపనురా..ఏమని తెలుపనురా

స్వయంవరం--1982

సంగీతం::సత్యం  
రచన::రాజశ్రీ  
గానం::S.P.బాలు,P.సుశీల  

పల్లవి::

ఆకాశం ఎందుకో పచ్చబడ్డదీ 
ఆ నడుమ బొట్టేమో ఎర్రబడ్డదీ 
ఆకాశం ఎందుకో పచ్చబడ్డదీ
ఆ నడుమ బొట్టేమో ఎర్రబడ్డదీ
వీచే గాలుల తాకిడీ..సాగే గువ్వల అలజడీ
రారమ్మని పిలిచే పైబడీ 

చరణం::1

పసుపుపచ్చ లోగిలిలో..పసుముకొమ్ము కొట్టినట్టు
నీలిరంగు వాకిలిలో..పసుబార బోసినట్టు
పాదాల పారాణి అద్దినట్టూ..పాదాల పారాణి అద్దినట్టూ 
నుదుటిపై కుంకుమా..దిద్దినట్టూ 
ఆకాశం ఎందుకో..పచ్చబడ్డదీ 
ఆ నడుమ..బొట్టేమో ఎర్రబడ్డదీ 

చరణం::2

పచ్చా పచ్చని పందిరంతా తాంబూలం వేసినట్టు
విరబోసిన తలనిండా కనకాంబరమెట్టినట్టు
ఎర్రనీళ్ళూ దిష్థి తీసి..పోసినట్టూ 
ఎర్రనీళ్ళూ దిష్థి తీసి..పోసినట్టూ
కర్పూరం హారతీ..ఇచ్చినట్టూ
ఆకాశం ఎందుకో పచ్చబడ్డదీ
ఆ నడుమ బొట్టేమో ఎర్రబడ్డదీ
వీచే గాలుల తాకిడీ..సాగే గువ్వల అలజడీ
రారమ్మని పిలిచే..పైబడీ..ఈ 
ఆకాశం ఎందుకో..పచ్చబడ్డదీ
ఆ నడుమ..బొట్టేమో ఎర్రబడ్డదీ