Wednesday, August 29, 2012

అందరికీ తెలుగు భాషా దినోత్సవం శుభాకాంక్షలు




ఇవాళ తెలుగు భాషా దినోత్సవం. తెలుగుతల్లి తెగ సంబరపడిపోతోంది. పలుకు తేనెలతల్లిగా ప్రసిద్ధురాలైన తెలుగుతల్లికి బిడ్డలంటే ఎంతో మమకారం. అజంతాలకు అనంతమైన మాధుర్యాన్ని కల్పించి నోరారా కమ్మగా మాట్లాడుకోగలిగిన భాగ్యాన్ని కలిగించే ఒక్కగానొక్క భాష తెలుగు భాషే. మిగతా భాషల్లో అక్షరాల చివరలు నేలకు పడిపోతాయి. ఒక్క మన తెలుగు భాషలో మాత్రం అక్షరాలు గర్వంగా నిలబడతాయి. గిడుగు రామ్మూర్తి పంతులుగారి జయంతిని అధికారికంగా మనం తెలుగుభాషా దినోత్సవంగా జరుపుకుంటున్నాం. తెలుగు భాషకి పట్టంకట్టిన ఆ మహనీయుడు పుట్టిన రోజున పండగ చేసుకుంటున్నాం. వ్యవహారిక భాషను వ్యాప్తి చేయడానికి ఆయన చేసిన కృషి తెలుగువాళ్లందరికీ శ్రీరామరక్ష. 1863 ఆగస్ట్ 29న శ్రీకాకుళం జిల్లా పర్వతాలపేట గ్రామంలో గిడుగు రామ్మూర్తి జన్మించారు. మెట్రిక్యులేషన్ పాసై బడిపంతులు ఉద్యోగంలో చేరారు. ఉద్యోగం చేసుకుంటూనే ఎఫ్.ఎ, బి.ఎ పూర్తి చేశారు. మహారాజా పాఠశాల కళాశాలగా మారగానే ఉపన్యాసకుడిగా అందులో చేరారు. తర్వాతికాలంలో వ్యవహారిక భాషా ఉద్యమమే ఆయనకు ఊపిరిగా మారింది. గిడుగురామ్మూర్తికంటే ముందు చాలామంది వ్యవహారిక భాషను వ్యాప్తి చేయడానికి కృషి చేశారు. కానీ.. వాళ్లంతా వ్యక్తిగతంగా ప్రయత్నంచేసినవాళ్లే.. గిడుగు వచ్చాక పరిస్థితి పూర్తిగా మారిపోయింది. వ్యవహారిక భాష వ్యాప్తిని ఆయన ఓ ఉద్యమంగా మార్చేశారు. దానికోసం కృషి చేస్తున్నవాళ్లందర్నీ ఒక్కతాటిమీదికి తీసుకొచ్చి భాషకి పట్టంకట్టారు. అందుకే గిడుగు తెలుగు వాళ్లకీ, తెలుగు భాషని అమితంగా ప్రేమించేవాళ్లకీ ఆరాధ్యదైవంగా మారారు.

మా తెలుగు తల్లికి మల్లెపూదండ మా కన్నతల్లికి మంగళారతులు,
కడుపులో బంగారు కనుచూపులో కరుణ,
చిరునవ్వులో సిరులు దొరలించు మాతల్లి.
గలగలా గోదారి కదలిపోతుంటేను
బిరాబిరాక్రిష్ణమ్మ పరుగులిడుతుంటేను
బంగారు పంటలే పండుతాయీ
మురిపాల ముత్యాలు దొరులుతాయి.
అమరావతినగర అపురూప శిల్పాలు
త్యాగయ్య గొంతులో తారాడు నాదాలు
తిక్కయ్య కలములొ తియ్యందనాలు
నిత్యమై నిఖిలమై నిలచి వుండేదాకా
రుద్రమ్మ భుజశక్తి మల్లమ్మ పతిభక్తి
తిమ్మరసు ధీయుక్తి, కృష్ణరాయల కీర్తి
మా చెవులు రింగుమని మారుమ్రోగేదాక
నీపాటలే పాడుతాం, నీ ఆటలే ఆడుతాం
జై తెలుగు తల్లి, జై తెలుగు తల్లి ......


JAI SAMIKHYA ANDHRA ...

ENGLISH vERSION ....

maa telugu talli ki malle poo danda
maa kanna talli ki mangalarathulu
kadupu lo bangaru kanu choopu lo karuna
chiru navvu lo sirulu doralinchu maa talli
gala gala godari kadali pothuntenu
bira bira krishnamma paruguliduthuntenu
bangaru pantale pandutayi
muri pala muthyalu doralutayi
amaravathi nagara apurupa silpalu
thyagayya gonthu lo tharadu nadhalu
tikkanna kalamu lo thiyandhanalu
nithyami nikhilami nilichi unde dhaka
nee pata le padutham
nee aatale aadhutham
jai telugu thalli
jai telugu thalli