Wednesday, August 13, 2014

నిరీక్షణ--1981




సంగీతం::ఇళయరాజా
దర్శకుడు::బాలూ మహేంద్ర
రచన::ఆత్రేయ
గానం::S.జానకి
తారాగణం:: భాను చందర్, అర్చన 

పల్లవి::

ఆకాశం ఏనాటిదో..అనురాగం ఆనాటిదీ
ఆకాశం ఏనాటిదో..అనురాగం ఆనాటిదీ
ఆవేశం ఏనాడు కలిగెనో..ఆనాడే తెలిసిందదీ
ఆవేశం ఏనాడు కలిగెనో..ఆనాడే తెలిసిందదీ

ఆకాశం ఏనాటిదో..అనురాగం ఆనాటిదీ 
ఆకాశం ఏనాటిదో..అనురాగం ఆనాటిదీ 

చరణం::1

లలలలాలలా..ఆఆఆలలలాల్లాఅలాల 

ఏ పువ్వూ ఏ తేటిదన్నది..ఏనాడో రాసున్నదీ
ఏ ముద్దూ ఏ మోవిదన్నది .. ఏ పొద్దో రాసున్నదీ
బంధాలై పెనవేయు వయసుకు .. అందాలే దాసోహమనగా
మందారం విరబూయు పెదవులు..మధువులనే చవిచూడమనగా

పరువాలే..ప్రణయాలై
స్వప్నాలే..స్వర్గాలై
ఎన్నెన్నో శృంగార లీలలు కన్నుల్లో రంగేళి అలదెను

ఆకాశం ఏనాటిదో..అనురాగం ఆనాటిదీ
ఆవేశం ఏనాడు కలిగెనో..ఆనాడే తెలిసిందదీ
ఆకాశం ఏనాటిదో..అనురాగం ఆనాటిదీ

చరణం::2

ఏ మేఘం ఏ వాన చినుకై..చిగురాకై మొలకెత్తెనో
ఏ రాగం ఏ గుండె లోతున..ఏ గీతం పలికించునో
హృదయాలే తెరతీసి తనువుల కలబోసీ మరపించమనగా
కౌగిలిలో చెరవేసు మదనుని..కరిగించీ గెలిపించమనగా

మోహాలే..దాహాలై..సరసాలే..సరదాలై
కాలాన్నే నిలవేసి కలలకు ఇవ్వాలీ వెలలేని విలువలు

ఆకాశం ఏనాటిదో..అనురాగం ఆనాటిదీ
ఆవేశం ఏనాడు కలిగెనో..ఆనాడే తెలిసిందదీ
లలలలలలలాలలలాలాలలాల