సంగీతం::చక్రవర్తి
రచన::దాశరథి
గానం::S.P.బాలు,P.సుశీల
తారాగణం::రామకృష్ణ,కాంచన,మురళీమోహన్,జయచిత్ర,రాజబాబు,మమత,నిర్మల,కాకరాల
పల్లవి::
నీ కొంగున బంగరు రంగులతో..మంగళ గీతం రాసేనా
నీ కొంగున బంగరు రంగులతో..మంగళ గీతం రాసేనా
నీ మెరిసే మురిసే బుగ్గలపై..ముద్దుల బొమ్మలు గీసేనా
ముద్దుల...బొమ్మలు గీసేనా
నీ కొంగున బంగరు రంగులతో..మంగళ గీతం రాసేనా
చరణం::1
నీ పాటకు పల్లవినై నీ తోటకు మల్లియనై
నీ కధలకు..నేనే నాయికనై
నీలో ఊహలు రేపేనా..నిన్నే ఊయల లూపేనా
ఊయల...లూపేనా
నీ అందెల సవ్వడినై..ఆ సవ్వడి సరిగమనై
ఆ సరిగమలో..నీ మధురిమనై
నీలో..సుధలను నింపేనా..ఆ
వీడని తోడుగ నిలిచేనా..తోడుగ నిలిచేనా..ఆ
నీ కొంగున బంగరు రంగులతో..మంగళ గీతం రాసేనా
నీ మంగళ గాన తరంగంలో..పొంగుతు నాట్యం చేసేనా
చరణం::2
నీ పెదవికి కానుకనై నీ తీయని..కోరికనై
అనురాగం చిందే గీతికనై..నీ తనువంతా నిండేనా
నా కన్నుల నిన్నే దాచేనా..కన్నుల నిన్నే దాచేనా
నీ సిగలో సంపెగనై నీ మోమున కుంకుమనై
నీ వలపుల..సందిట బందీనై
నీ కనుపాపగ నిలిచేనా..నీలో పాపగ పెరిగేనా
పాపగ..పెరిగేనా
నీ కొంగున బంగరు రంగులతో..మంగళ గీతం రాసేనా
నీ మంగళ గాన తరంగంలో..పొంగుతు నాట్యం చేసేనా
నీ కొంగున బంగరు రంగులతో..మంగళ గీతం రాసేనా
