సంగీతం::ఇళయ రాజా
రచన::వేటూరి
గానం::S.P.బాలు, S.జానకి
Film Directed By::Vanshi
తారాగణం::రాజేంద్ర ప్రసాద్,భానుప్రియ,తులసి,కైకాల సత్యనారాయణ.
పల్లవి::
ఈ చైత్రవీణా ఝుం ఝుమ్మనీ
ఈ చైత్రవీణా ఝుం ఝుమ్మనీ
రొదగా నా ఎదలో తుమ్మెదలా చేసే ప్రేమాలాపనా
రొదగా నా ఎదలో తుమ్మెదలా చేసే ప్రేమాలాపనా
ఈ చైత్రవీణా ఝుం ఝుమ్మనీ
చరణం::1
విడిపోలేనీ విరి తీవెలలో
ఉరులే మరులై పోతుంటే హోయ్
ఎడబాటేదీ ఎదలోతులలో
అదిమే వలపే పుడుతుంటే
తనువూ తనువూ తరువూ తరువై
పుప్పొడి ముద్దే పెడుతుంటే
పూలే గంధం పూస్తుంటే
తొలిగా నా చెలితో కౌగిలిలో సాగే ప్రేమారాధనా
ఈ చైత్రవీణా ఝుం ఝుమ్మనీ
ఈ చైత్రవీణా ఝుం ఝుమ్మనీ
చరణం::2
గళమే పాడె అల కోయిలలే
వలచీ పిలిచే నా గీతం హోయ్
నదులై సాగే ఋతు శోభలనే
అభిషేకించే మకరందం
గగనం భువనం కలిసే సొగసే
సంధ్యారాగం అవుతుంటే
లయలే ప్రియమై పోతుంటే హోయ్
వనమే యవ్వనమై జీవనమై సాగే రాధాలాపనా
ఈ చైత్రవీణా ఝుం ఝుమ్మనీ
ఈ చైత్రవీణా ఝుం ఝుమ్మనీ
రొదగా నా ఎదలో తుమ్మెదలా చేసే ప్రేమాలాపనా
No comments:
Post a Comment