Monday, July 02, 2007

అప్పుచేసి పప్పుకూడు--1958::ఆభేరి:::రాగం





డైరెక్టర్::LV.ప్రసాద్
రచన::పింగళి నారాయణ రావ్
సంగీతం::S.రాజేశ్వర రావ్
గానం::P.సుశీల,P.లీల


ఆభేరి:::రాగం

చిగురుల పూవుల సింగారముతో తీవెల సొంపులు గనలేదు
ముసిముసి నవ్వుల గిలిగింతలతో వసంత ఋతువా రానేలేదు


కాలం కాని కాలంలో కోయిల కూతలెందుకనో
తరుణం కాని తరుణంలో నా మది యీ గుబులెందుకనో
కాలం కాని కాలంలో కోయిల కూతలెందుకనో

వలుపులు మీటగ తీయని పాటలు హృదయవీణపై పలికెనుగా
ప్రియతము గాంచిన ఆనందములో మనసే వసంత ఋతువాయెనుగా
కాలం కాని కాలంలో కోయిల కూతలందుకనే
తరుణం కాని తరుణంలో నీ మది ఆ గుబులందుకనే
కాలం కాని కాలంలో కోయిల కూతలందుకనే

తళుకుబెళుకుళ తారామణులతో శారదరాత్రులు రాలేదు
ఆకాశంలో పకపకలాడుచు రాకాచంద్రుడు రానేలేదు
కాలం కాని కాలంలో చల్లని వెన్నెల ఎందుకనో
తరుణం కాని తరుణంలో నా మది యీ గుబులెందుకనో
కాలం కాని కాలంలో చల్లని వెన్నెల ఎందుకనో

తలచిన తలపులు ఫలించగలవని బులపాటము బలమాయెనుగా
పగటి కల గను కన్యామణులను ప్రియుడే రాకాచంద్రుడుగా
కాలం కాని కాలంలో చల్లని వెన్నెల అందుకనే
తరుణం కాని తరుణంలో నీ మది యీ గుబులందుకనే
కాలం కాని కాలంలో చల్లని వెన్నెల అందుకనే

No comments: