మానవుడు దానవుడు--1972

సంగీత::అశ్వద్ధామ
రచన::ఉషః శ్రీ
గానం::L.R.ఈశ్వరి,పిఠాపురం నాగేశ్వరరావు
తారాగణం::శోభన్ బాబు,సత్యనారాయణ,శారద, కృష్ణకుమారి,జ్యోతిలక్ష్మి,ముక్కామల,రాజబాబు

పల్లవి::
ఆహా హా హా హా..మావా 
కొప్పుచూడు కొప్పందం చూడు
కొప్పున వున్న పూలను చూడు
కొప్పుచూడు కొప్పందం చూడు
కొప్పున వున్న పూలను చూడు
మగడా నే మునుపటి వలెనే లేనా..ఓ ఓ 
మగడా నే మునుపటి వలెనే లేనా 

అహా..అలాగా
కొప్పులో పూలెక్కడివే?
నీ కొప్పులో పూలెక్కడివే?
ఆహా హా..ఏయ్..హా...అవా
ఆ..అవే..
కట్టెలకోస మెళితే నే కట్టెలకోసమెళితే
కొమ్మతగిలి కొప్పు నిండింది మావా
ఆ ఆ ఆ ఆ..
కొమ్మతగిలి కొప్పు నిండింది మావా

ముక్కు చూడు ముక్కందంచూడు
ముక్కున వున్న ముక్కెరచూడు
హ్హా..ముక్కు చూడు ముక్కందంచూడు
ముక్కున వున్న ముక్కెరచూడు
మగడా నే మునుపటివలెనే లేనా..ఓ ఓ ఓ 
మగడా నే మునుపటివలెనే లేనా..ఆ..ఆహా

బుగ్గమీద గాటెక్కడిదే..నీ బుగ్గమీద గాటెక్కదిదే?
ఆహా హా..ఏయ్..హా..దా..ఆ అదే

కోమటింటికెళితే నే బెల్లం తూయమంటే
కోమటింటికెళితే నే బెల్లం తూయమంటే
తక్కెట్లో రాయొచ్చి తగిలింది మావా
ఆ ఆ ఆ ఆ..
తక్కెట్లో రాయొచ్చి తగిలింది మావా

నడుముచూడు నడుమందంచూడు
నడుమునవున్న బిగువునుచూడు
నడుముచూడు నడుమందంచూడు
నడుమునవున్న బిగువునుచూడు
మగడా నే మునుపటివలెనే లేనా
 ఓ ఓ ఓ ఓ ఓ..
మగడా నే మునుపటివలెనే లేనా..ఆ..అదిసరే 
గంపకింద వాడెవడే..యీ గంపకింద వాడెవడే
ఆహా హా హా..ఏయ్..వాడా..ఆ వాడే 
పక్కింటి పోరగాడు..పెట్టాను పట్టబోయి 
కోడిపెట్టాను...పట్టబోయి
గంపకింద నక్కి నక్కి కూకున్నాడు మావా
ఈ గంపకింద నక్కి నక్కి కూకున్నాడు మావా

మానవుడు దానవుదు --1972

సంగీతం::అశ్వద్ధామ
రచన::C.నారాయణ రెడ్డి
గానం::L.R.ఈశ్వరీ

కంచెకాడ..మంచెకాడ..కందిచేను..గుబురుకాడ
యేటికాడ..గున్నమామి..తోటకాడ..సందెకాడ
మాటువేసాను పోంచి చూసాను దారికాచాను..హా..
నీకోసం..నీసోకైన..మగసిరికోసం..నీకోసం..2

చింతల రైక తొడిగి..సిమ్హాచలం నేను పోతే
గుంటనక్క గుర్రుమన్నదీ..గుండెల్లోనే ఝల్లుమన్నదీ
అప్పుడు నేనేం చేసాను..అన్నిదిక్కులు చూసానూ
తళుక్కుమని ఒక మెరుపు మెరవగా..దౌడుతీసి ఇటువచ్చాను

రంగురంగుల కోకగట్టి..ఒంగోలుకు నే పోతే..2
పోట్లగిత్త ఎదురుపడ్డది..గుబులు గుబులై నామనసు చెడ్డది..2
అప్పుడు నేనేమి చేసాను..అమ్మమ్మను తలపోసానూ..
గిత్తనువంచే మొనగాడననీ..తత్తరపడి ఇటువచ్చానూ..
నీకోసం..నీసోకైన..మగసిరికోసం..నీకోసం..2

కన్యసిగలో పూలుపెట్టి..వరంగల్‌కు నేపోతే..
కొడెకాడే నన్ను కొట్టేనే..వాడా వాడా నవ్వు కట్టెనే
అప్పుడు నేనేమయ్యాను..అవిరావిరైపోయాను..
ఈ దోరవయసి నను బతకనివ్వదని..ఊరువిడిచి..ఊరికొచ్చానూ..
నీకోసం..నీసోకైన..మగసిరికోసం..నీకోసం..2

మానవుడు దానవుదు --1972

సంగీతం::అశ్వద్ధామ
రచన::D.C.నారాయణ రెడ్డి
గానం::P.సుశీల

పచ్చని మన కాపురం
పాలవెలుగై..మణిదీపాలవెలుగై...
కలకాలం నిలవాలీ...కళకళలాడాలీ..ఈ...
పచ్చని మన కాపురం...

నీగుండెల సవ్వడిలోన..నాగుండెల గుసగుసలుంటే
నీకంటిపాపలలోనా..నాకలల రూపాలుంటే..
మన బ్రతుకే అనురాగానికి..ప్రతిరూపమౌనులే
మన బ్రతుకే అనురాగానికి....
ప్రతిరూపమౌనులే..ప్రతిరూపమౌనులే...
పచ్చని మన కాపురం...
పాలవెలుగై..మణిదీపాలవెలుగై...
కలకాలం నిలవాలీ...కళకళలాడాలీ..ఈ...
పచ్చని మన కాపురం...

నీవులేనిక్షణమైనా..నా కనులకు ఒకయుగమై
మన ఇరువురి కలయికలో..ఇరుమేనులు చెరిసగమై
ప్రాణంలో..ప్రాణంగా..ఆ..ఆ..ఆ..ఆ..ఆ..ఆ..
పరవశించిపోవాలి..పరవశించిపోవాలీ....
పచ్చని మన కాపురం..
పాలవెలుగై..మణిదీపాలవెలుగై...
కలకాలం నిలవాలీ...కళకళలాడాలీ..ఈ...
పచ్చని మన కాపురం.. .

మానవుడు దానవుదు --1972

సంగీతం::అశ్వద్ధామ
రచన::D.C.నారాయణ రెడ్డి
గానం::S.P.బాలు

అణువూ అణువున వెలసిన దేవా
కనువేలుగై మము నడిపించరావా
అణువూ అణువున వెలసిన దేవా

మనిషిని మనిషే కరిచేవేళా
ద్వేషము విషమై కురిసేవేళా
నిప్పులు మింగి నిజమును తెలిపి
చల్లని మమతల సుధలను చీల్చి
అమరజీవులై వెలిగిన మూర్తులు
అమౄత గుణం మాకందించరావా
అణువూ అణువున వెలసిన దేవా...

జాతికి గ్రుహణం పట్టిన వేళా
మాత్రు భూమి మొర పెట్టిన వేళా
స్వరాజ్య సమరం సాగించి
స్వాతంత్ర ఫలమును సాధించి
ధన్య చరితులై వెలిగిన మూర్తుల
త్యాగ నిరతి మాకందించరావా
అణువూ అణువున వెలసిన దేవా...

వ్యాధులు బాధలు ముసిరేవేళా
మౄత్యువు కోరలు చాచేవేళా
గుండెకు బదులుగా గుండెను పోదిగి
కొన ఊపిరులకు వూపిరిలూది
జీవన దాతవై వెలిగిన మూర్తుల
సేవాగుణం మాకందించరావా
అణువూ అణువున వెలసిన దేవా
కనువేలుగై మము నడిపించరావా
అణువూ అణువున వెలసిన దేవా

మానవుడు దానవుదు --1972

సంగీతం::అశ్వద్ధామ
రచన::C.నారాయణ రెడ్డి
గానం::P.సుశీల

అమ్మలాంటి చల్లనిదీ...
లోకమొకటే వుందిలే...
ఆకలి ఆ లోకంలో...ఆ..ఆ..ఆ..
లేనే లేదులే..లేనే లేదులే...
అమ్మలాంటి చల్లనిదీ..లోకమొకటే వుందిలే...

మమతలే..తేనెలుగా...
ప్రేమలే..వెన్నెలగా...2
చెలిమి..కలిమీ..కరుణా..
కలబోసినలోకమదీ..కలబోసినలోకమదీ
మానవుడు దానవుదు
అమ్మలాంటి చల్లనిదీ..లోకమొకటే వుందిలే...

పిడికెడు మెతుకులకై...
దౌర్జన్యం దోపిడీలి...2
కలతలూ..కన్నీళ్ళూ...
కనరానిలోకమదీ..కనరానిలోకమదీ...
అమ్మలాంటి చల్లనిదీ..లోకమొకటే వుందిలే...

ఆకలితో..నిదురపో...
నిదురలో..కలలుకనూ...2
కలలో ఆ లోకాన్నీ...
కడుపునిండ నింపుకో..కడుపునిండ నింపుకో...
అమ్మలాంటి చల్లనిదీ..లోకమొకటే వుందిలే...
ఆకలి ఆ లోకంలో...ఆ..ఆ..ఆ..
లేనే లేదులే..లేనే లేదులే...
అమ్మలాంటి చల్లనిదీ..లోకమొకటే వుందిలే...