మంచివాడు--1974

సంగీత::K.V.మహదేవన్
రచన::ఆత్రేయ
గానం::ఘంటసాల
తారాగణం::నాగేశ్వరరావు,వాణిశ్రీ,కాంచన,రాజబాబు,రమాప్రభ,హలాం,సత్యనారాయణ,పద్మనాభం.

పల్లవి::

పెట్టి పుట్టిన దానవమ్మా నువ్వు
నీ పుట్టుకే ఒక పండుగమ్మా మాకు
పెట్టి పుట్టిన దానవమ్మా నువ్వు
నీ పుట్టుకే ఒక పండుగమ్మా మాకు 
ఎందరో నీ లాంటి పాపలు పుట్టి వుంటారు 
అందులో ఎందరమ్మా పండుగలకు నోచుకుంటారు 
వుండి చూచుకుంటారు 
పెట్టి పుట్టిన దానవమ్మా నువ్వు
నీ పుట్టుకే ఒక పండుగమ్మా మాకు

చరణం::1

కన్న వాళ్ళు చేసుకున్న..పూజాఫలమో 
నువ్వే జన్మలోనో దాచుకున్న పూర్వపుణ్యమో
కన్న వాళ్ళు చేసుకున్న..పూజాఫలమో 
నువ్వే జన్మలోనో దాచుకున్న పూర్వపుణ్యమో
నూరు పండుగ లీలాగే చేసుకుంటావు 
నూరు పండుగ లీలాగే చేసుకుంటావు 
కొందరేమో పండుగల్లె వచ్చిపోతారు 
నూరేళ్ళు నిండిపోతారు 
పెట్టి పుట్టిన దానవమ్మా నువ్వు
నీ పుట్టుకే ఒక పండుగమ్మా మాకు

చరణం::2

ఉన్నవాళ్ళు లేని వాళ్ళను భేదాలు 
మనకెగాని మట్టిలోన లేవమ్మా
ఉన్నవాళ్ళు లేని వాళ్ళను భేదాలు 
మనకెగాని మట్టిలోన లేవమ్మా
ఆ మట్టిలోనే పుట్టి గిట్టే తోబుట్టులకు 
మట్టిలోనే పుట్టి గిట్టే తోబుట్టులకు 
కన్నీటి బొట్టు కానుకిస్తే చాలమ్మా చాలమ్మా 
పెట్టి పుట్టిన దానవమ్మా నీవు
నీ పుట్టుకే ఒక పండుగమ్మా మాకు
పెట్టి పుట్టిన దానవమ్మా నువ్వు
నీ పుట్టుకే ఒక పండుగమ్మా మాకు

మంచివాడు--1974

సంగీత::K.V.మహదేవన్
రచన::ఆత్రేయ
గానం::రామారావు
తారాగణం::నాగేశ్వరరావు,వాణిశ్రీ,కాంచన,రాజబాబు,రమాప్రభ,హలాం,సత్యనారాయణ,పద్మనాభం.

పల్లవి::

చూస్తా బాగా చూస్తా..చేయి చూస్తా
చూసి చెబుతా చూస్తా..బాగా చూస్తా 
చేయి చూస్తా..చూసి చెబుతా
ముందు వెనక..యేముందో
యెక్కడుందో యెవరికెవరి..కెంతుందో చూచి చెబుతా
ముందు వెనక..యేముందో
యెక్కడుందో యెవరికెవరి కెంతుందో..చూచి చెబుతా
హేయ్ చూస్తా బాగా చూస్తా చేయి చూస్తా..చూసి చెబుతా

చరణం::1

కోట్లు కోట్లు గా గడించి..కూడబెట్టకు 
వజ్రాలుగా బంగారుగా..మార్చి దాచకు
కోట్లు కోట్లు గా గడించి..కూడబెట్టకు 
వజ్రాలుగా బంగారుగా..మార్చి దాచకు
రాశి లగ్నమందు నేడు..రాహువున్నాడే  
రాశి లగ్నమందు నేడు..రాహువున్నాడే 
రాత్రి రాత్రి కొచ్చి మొత్తం..మింగిపోతాడు
ఏ ఎన్ ఆర్,ఎన్ టి ఆర్..ఏలుతారన్నాను 
వాణిశ్రీ సావిత్రికి..వారసని చెప్పాను
జగ్గయ్య,జయలలిత..శోభన్ బాబు 
కృష్ణకి పద్మనాభం..రమాప్రభ, రాజబాబుకి
దసరాబుల్లోడికి..ప్రేమనగర్ నాయుడికి 
ఆత్రేయ ఆదుర్తి..మహాదేవనందరికి 
ఆనాడు చెప్పింది..ఈనాడు జరుగుతుంది 
ఈనాడు చెప్పేది..రేపు జరగబోతుంది
చూస్తా బాగా చూస్తా చేయి చూస్తా..చూసి చెబుతా
ముందు వెనక యేముందో..యెక్కడుందో 
యెవరికెవరి కెంతుందో..చూచి చెబుతా
హేయ్ చూస్తా బాగా చూస్తా..చేయి చూస్తా..చూసి చెబుతా

చరణం::2

వేలు వేలు ఎకరాలకు..గోలుమాలు 
తాతల యెట్టేట్టుకైన..చెప్పాలి టాటాలు
వేలు వేలు ఎకరాలకు..గోలుమాలు 
తాతల యెట్టేట్టుకైన..చెప్పాలి టాటాలు
దిగమింగే నాయకులకు..దిన గండాలు 
దిగమింగే నాయకులకు..దిన గండాలు 
పన్నెగ వేసే పెద్దలకు..వెలక్కాయలు
తాతయ్య పేరులో..మనవళ్ళు పెరిగారు
మనవళ్ళు దోచింది ముని మనవళ్ళడిగారు 
అడుగునున్న వాళ్ళింద అణిగి మణిగి వుండరు
ఆడోళ్ళే ఇక మీదట అందలాన వుంటారు 
మగవాళ్ళ ఆటకట్టి మరమ్మత్తు చేస్తారు 
అందుకే చిట్టి నిర్మల చేతిలో సేటు రాత రాశాడు 
ఓ పండిట్ జీ మేరా హత్ భీ దేఖియేనా..దేకుతా దేకుతా
ఈనాడు చెప్పేది రేపు జరగబోతుంది 
ఏమోలే అనుకుంటే మీ ఖర్మలే పొండి
చూస్తా బాగా చూస్తా చేయి చూస్తా..చూసి చెబుతా
ముందు వెనక యేముందో..యెక్కడుందో 
యెవరికెవరి కెంతుందో చూచి చెబుతా
హేయ్ చూస్తా బాగా చూస్తా చేయి చూస్తా..చూసి చెబుతా

మంచివాడు--1974

సంగీత::K.V.మహదేవన్
రచన::ఆత్రేయ
గానం::P.సుశీల
తారాగణం::నాగేశ్వరరావు,వాణిశ్రీ,కాంచన,రాజబాబు,రమాప్రభ,హలాం,సత్యనారాయణ,పద్మనాభం.

పల్లవి::

అబ్బాయే..ఏ..పుట్టాడు 
అచ్చం నాన్నలాగే..ఏ..వున్నాడు 
అబ్బాయే..ఏ..పుట్టాడు
అచ్చం నాన్నలాగే..ఏ..వున్నాడు
నాన్నలాగే..ఏఏఏ..వున్నాడు

చరణం::1

దోబూచులాడు..కళ్ళు ఇంకలేవని 
తీయ తీయన్ని..బంధాలు తీరెననీ
దోబూచులాడు..కళ్ళు ఇంకలేవని 
తీయ తీయన్ని..బంధాలు తీరెననీ
తల్లిగా నను చేసి..తాను తప్పుకున్నాడు 
తల్లిగా నను చేసి..తాను తప్పుకున్నాడు 
ఆ కన్న తండ్రి పోలికతో కడుపుకోసి పోయాడు 
అబ్బాయే పుట్టాడు..అచ్చం నాన్నలాగే వున్నాడు 
అబ్బాయే పుట్టాడు..అచ్చం నాన్నలాగే వున్నాడు 
నాన్నలాగే వున్నాడు

మంచివాడు--1974

సంగీతం::K.V.మహదేవన్
రచన::దాశరథి
గానం::ఘంటసాల,P.సుశీల

పల్లవి::

ఈ రేయి కవ్వించింది
నా మేను పులకించింది
ఈ రేయి కవ్వించింది
నా మేను పులకించింది
రా..నీలో దాచుకో
నా పరువాలే పంచుకో
రా..నీలో దాచుకో
నా పరువాలే పంచుకో

చరణం::1 

చిలిపి మనసు నా మాట వినదు
దోరవయసు..ఇక ఊరుకోదు
చిలిపి మనసు నా మాట వినదు
దోరవయసు..ఇక ఊరుకోదు

మనసు మాటే విందాములే
మనసు మాటే విందాములే
వయసు ఆటే ఆడేములే

రా..లోకం మరచిపో
లే ముద్దులలో మురిసిపో
రా..రా లోకం మరచిపో
లే ముద్దులలో మురిసిపో

చరణం::2

నిండు వలపుల నీ కౌగిలింత
ఉండిపోని జీవితమంతా
నిండు వలపుల నీ కౌగిలింత
ఉండిపోని జీవితమంతా

కెంపు సొంపుల చెంపలు నావే
కెంపు సొంపుల చెంపలు నావే
మధువులూరే అధరాలు నావే

రా..నాలో నిండిపో..నా అశలనే పంచుకో
రా..నాలో నిండిపో..నా అశలనే పంచుకో

చరణం::3

పాలవెన్నెల కురిసేటి వేళ
మల్లె పానుపు పిలిచేటి వేళ
పాలవెన్నెల కురిసేటి వేళ
మల్లె పానుపు పిలిచేటి వేళ

తనువులొకటై పెనవేసుకోనీ
తనువులొకటై పెనవేసుకోనీ
కన్నులొకటై కథల్లుకోనీ

రా ఎదపై వాలిపో..నా ఒడిలోనే సోలిపో
మ్మ్..రా ఎదపై వాలిపో..నా ఒడిలోనే సోలిపో
ఈ రేయి కవ్వించింది..నా మేను పులకించింది

అహహ..అహా..ఆ..ఆ..ఆ..ఆ
అహహ..అహా..ఆ..ఆ..ఆ..ఆ
ఉముముహు..ఉముముహు..మ్మ్..మ్మ్
ఉముముహు..ఉముముహు..మ్మ్..మ్మ్

మంచివాడు --- 1974

సంగీతం::KV.మహాదేవన్
రచన::ఆచార్య,ఆత్రేయ
గానం::ఘంటసాల,P.సుశీల

అమ్మాయే పుడుతుంది అచ్చం అమ్మలాగే ఉంటుంది
అమ్మాయే పుడుతుంది అచ్చం అమ్మలాగే ఉంటుంది
అబ్బాయే పుడతాడు అచ్చం నాన్నలాగే ఉంటాడు
అబ్బాయే పుడతాడు అచ్చం నాన్నలాగే ఉంటాడు

కోటేరులాంటి ముక్కు కోలకళ్ళు
లేత కొబ్బరంటి చెక్కిళ్ళు చిలిపి నవ్వులు ..2
ఆ నవ్వుల్లో వస్తాయి చిన్ని నొక్కులు..2
ఆ నొక్కులే తెస్తాయి మనకెన్నో సిరులు
అబ్బాయే పుడతాడు అచ్చం నాన్నలాగే ఉంటాడు
అమ్మాయే పుడుతుంది అచ్చం అమ్మలాగే ఉంటుంది

దోబూచులాడు కళ్ళు దొంగ చూపులు
తియ్యతియ్యని మాటలు తెలివితేటలు..2
ఆ మాటలకే పడతారు కన్నె పిల్లలు..2
ఈ ఆత్తగారికప్పుడు ఎందరమ్మా కోడళ్ళు
అమ్మాయే పుడుతుంది అచ్చం అమ్మలాగే ఉంటుంది
అబ్బాయే పుడతాడు అచ్చం నాన్నలాగే ఉంటాడు

నీలాంటి ఆడపిల్ల కావాలి నాకు
ఊహు మీలాంటి పిల్లాడ్నే కంటాను నేను..అహా..2
ఇద్దర్ని కంటె వద్దన్నదెవరు?
ఆ ఇద్దరు అబ్బాయిలైతేనో?
అమ్మాయే పుడుతుంది అచ్చం అమ్మలాగే ఉంటుంది
అబ్బాయే పుడతాడు అచ్చం నాన్నలాగే ఉంటాడు
అహహా..అమ్మలాగే..వుంటాడు..
మ్మ్..హూ..నాన్నలాగే..వుంటాడు

మంచివాడు --- 1974

సంగీతం::KV.మహాదేవన్
రచన::ఆచార్య,ఆత్రేయ
గానం::ఘంటసాల,P.సుశీల

ఆకలుండదు దాహముండదు నిన్ను చూస్తుంటే
వేరే ఆశ ఉండదు ధ్యాస ఉండదు నువ్వు తోడుంటే..2
ఆకలుండదు దాహముండదు నిన్ను చూస్తుంటే

మల్లెలుండవు వెన్నెలుండదు నీ నవ్వే లేకుంటే
మనసు ఉండదు మమత ఉండదు నీ మనిషిని కాకుంటే..2
వయసుతో యీ పోరు ఉండదు నీ వలపే లేకుంటే
వలపు ఇంత వెచ్చగుండదు నీ ఒడిలో కాకుంటే
ఆకలుండదు దాహముండదు నిన్ను చూస్తుంటే

పొద్దు గడచేపోతుంది నీ నడక చూస్తుంటే
ఆ నడక తడబడిపోతుంది నీ చూపు పడుతుంటే..2
ఆకుమడుపులు అందిస్తూ నువ్వు వగలు పోతుంటే
ఎంత ఎరుపో అంత వలపని..నే నాశపడుతుంట
ఆకలుండదు దాహముండదు నిన్ను చూస్తుంటే

తేనె కన్న తీపికలదని నీ పెదవే తెలిపింది
దాని కన్నా తియ్యనైనది నీ ఎదలో దాగుంది
మొదటి రేయికి తుదే లేదని నీ ముద్దే కొసరింది
పొద్దు చాలని ముద్దులన్ని నీ వద్దే దాచింది
ఆ ముద్రే మిగిలింది.....
ఆకలుండదు దాహముండదు నిన్ను చూస్తుంటే
వేరే ఆశ ఉండదు ధ్యాస ఉండదు నువ్వు తోడుంటే
ఆకలుండదు దాహముండదు నిన్ను చూస్తుంటే