ముత్యాల పల్లకి--1976

సంగీతం::సత్యం
రచన::మల్లెమాల
గానం::SP.బాలు,P.సుశీల

సన్నాజాజికి గున్నామావికి పెళ్ళికుదిరిందీ..
మాటే మంతీ లేని వేణువు పాట పాడిందీ..
సన్నాజాజికి గున్నామావికి పెళ్ళికుదిరిందీ..
మాటే మంతీ లేని వేణువు పాట పాడిందీ..
ఆ..హాహహా ఆ ఆ...హాహహా ఆ ఆ...

గున్నా మావికి సన్నా జాజికి పెళ్ళి కుదిరిందీ..
నాదే గెలుపని మాలతీ లత నాట్యమాడిందీ..
గున్నా మావికి సన్నా జాజికి పెళ్ళి కుదిరిందీ..
నాదే గెలుపని మాలతీ లత నాట్యమాడిందీ..
ఆ..హాహహా ఆ ఆ...ఓహో.హోహ్హో..

పూచే వసంతాలు మా కళ్ళలో..
పూలే తలంబ్రాలు మా పెళ్ళిలో..
పూచే వసంతాలు మా కళ్ళలో..
పూలే తలంబ్రాలు మా పెళ్ళిలో..
విరికొమ్మా..చిరు రెమ్మా..
విరికొమ్మ చిరు రెమ్మ
పేరంటానికి రారమ్మా

సన్నాజాజికి గున్నామావికి పెళ్ళికుదిరిందీ..
మాటే మంతీ లేని వేణువు పాట పాడిందీ..
ఆ..హాహహా ఆ ఆ...హాహహా ఆ ఆ..

కలలే నిజాలాయె ఈ నాటికీ..
అలలే స్వరాలాయె మా పాటకీ
కలలే నిజాలాయె ఈ నాటికీ..
అలలే స్వరాలాయె మా పాటకీ
శ్రీరస్తూ...శుభమస్తూ..
శ్రీరస్తు..శుభమస్తు
అని మీరూ మీరు దీవించాలి

గున్నా మావికి సన్నా జాజికి పెళ్ళి కుదిరిందీ..
నాదే గెలుపని మాధవీ లత నాట్యమాడిందీ...
సన్నాజాజి కి గున్నా మావికి పెళ్ళికుదిరిందీ..
హాహాహా..మ్మ్..

ముత్యాల పల్లకి--1976::శ్రీ:::రాగం

సంగీతం::సత్యం
రచన::మల్లెమాల
గానం::P.సుశీల

శ్రీ:::రాగం

తెల్లావారకముందె పల్లె లేచిందీ..
తనవారినందరినీ తట్టిలేపిందీ
ఆదమరచి నిద్రపోతున్న తొలికోడి
అదిరిపడి మేల్కొంది అదే పనిగ కూసింది
తెల్లావారకముందె పల్లె లేచిందీ..
తనవారినందరినీ తట్టిలేపిందీ

వెలుగు దుస్తులేసుకొని సూరీడూ..
తూర్పు తలుపు తోసుకొని వచ్చాడు..
పాడుచీకటికెంత భయమేసిందో..
పక్కదులుపుకొని ఒకే పరుగు తీసిందీ..
అది చూసీ..లతలన్నీ..పక్కున నవ్వాయి
ఆ నవ్వులే ఇంటింటా పువ్వులైనాయీ..
తెల్లావారకముందె పల్లె లేచిందీ..
తనవారినందరినీ తట్టిలేపిందీ

పాలవెల్లిలాంటి మనుషులూ..
పండువెన్నెల వంటీ మనసులూ
మల్లెపూల రాసివంటి మమతలూ
పల్లెసీమలో కోకొల్లలూ..
అనురాగం..అభిమానం..కవలపిల్లలూ
ఆ పిల్లలకూ పల్లెటూళ్ళు కన్నతల్లులూ...
తెల్లావారకముందె పల్లె లేచిందీ..
తనవారినందరినీ తట్టిలేపిందీ