బాలభారతము--1972

సంగీత::S.రాజేశ్వరరావు
రచన::D.C.నారాయణరెడ్డి
గానం::P.సుశీల  
తారాగణం::S.V.రంగారావు,అంజలీదేవి,బేబి శ్రీదేవి,కాంతారావు,S.వరలక్ష్మి,హరనాధ్ 

పల్లవి::

తారంగం తారంగం..తాండవకృష్ణా తారంగం  
దైవం నీవే తారంగం..ధర్మం నీవే తారంగం  
తారంగం తారంగం..తాండవకృష్ణా తారంగం  
దైవం నీవే తారంగం..ధర్మం నీవే తారంగం  

చరణం::1

దేవతలూ దానవులూ..పాల సముద్రం తరిచారు
దేవతలూ దానవులూ..పాల సముద్రం తరిచారు
అప్పుడు అమృతం పుట్టింది..అందరికీ నూరూరింది 
మాదే మాదే అమృతమని..వాదులాడు సోదరుల గని
అప్పుడు నువ్వేం చేెశావు...ఆడవేషం వేశావు 
ఆ కులుకు ఆ తళుకు..ఆ కిలకిల నవ్వుల బెళుకు  
ఇంకా నువ్వేం...చేెశావు  
తగినవారికి సుధను పంచిపెట్టావు..పొగరు బోతులకేమో సున్నా చుట్టావు  
తారంగం తారంగం...తాండవకృష్ణా  తారంగం  
దైవం నీవే తారంగం...ధర్మం నీవే తారంగం  

చరణం::2

ఇంద్ర పదవినే చేపట్టితినని..ఎగిరి ఎగిరి పడె బలి 
వాని గర్వముని అణచి వెయగా..వామనుడాయెను హరి
వడుగై వానిని చేరెను..మూడడుగుల నేలను కోరెను
అడ్డుపడిన ఆ శుక్రుని...కంటిని 
దర్భ పుల్లతో పొడిచెను..ఆ కన్నే లొట్టగ చెసెను 
ఇంతై వటుడంతై మరి ఎంతో ఎంతో పెరిగెను..పెరిగీ  
భువినొక్క అడుగుతో మూసెను..దివినొక్క అడుగుతో దాచెను  
మూడవ అడుగు ఏదని బలినే..పాతాళానికి తొక్కెను  
తారంగం తారంగం..తాండవకృష్ణా  తారంగం  
దైవం నీవే తారంగం..ధర్మం నీవే తారంగం  

చరణం::3

అన్నలారా విన్నారా..చిన్న కృష్ణుని గాథలు  
అసూయలన్నవి లేకుంటే..బ్రతుకులు  కళకళ లాడునులే
చెప్పుడు మా టలు వినకుంటే..ఎప్పటికైనా శుభమౌలే 
అన్నదమ్ములు కలిసుంటే..అందరికీ ఆనందం
ఆపై దేవుడు తోడుంటే..ఆనందం పరమానందం   
తారంగం తారంగం..తాండవకృష్ణా  తారంగం  
దైవం నీవే తారంగం...ధర్మం నీవే తారంగం  
దైవం నీవే తారంగం...ధర్మం నీవే తారంగం
ధర్మం నీవే తారంగం...ధర్మం నీవే తారంగం