గోరింటాకు--1979

సంగీతం::K.V.మహదేవన్  
రచన::శ్రీ శ్రీ  
గానం::S.P.బాలు , P. సుశీల
Falm Directed By::Daasarinaaraayana Rao
తారాగనం::శోభన్‌బాబు,M.ప్రభాకర్‌రెడ్డి,కనకాల దేవదాస్,J.V.రమణమూర్తి,చలాం.సావిత్రి,సుజాత,రమాప్రభ,వక్కలంక పద్మ.

పల్లవి::

ఇలాగ వచ్చి..అలాగ తెచ్చి
ఎన్నో వరాల..మాలలు గుచ్చి
నా మెడ నిండా..వేశావు
నన్నో మనిషిని..చేశావు
ఎలాగా తీరాలి..నీ ఋణమెలాగ..తీరాలి

తీరాలంటే..దారులు లేవా
కడలి కూడా..తీరం లేదా
అడిగినవన్నీ..ఇవ్వాలీ
అడిగినప్పుడే..ఇవ్వాలీ
అలాగ తీరాలీ..నా ఋణమలాగ..తీరాలి

చరణం::1

అడిగినప్పుడే వరమిస్తారు..ఆకాశంలో దేవతలు
అడగముందే అన్నీ ఇచ్చే..నిన్నే పేరున పిలవాలీ
నిన్నే తీరున..కొలవాలీ

అసలు పేరుతో..నను పిలవద్దు
అసలు కన్నా..వడ్డీ ముద్దు
ముద్దు ముద్దుగా..ముచ్చట తీర
పిలవాలీ..నను కొలవాలీ

అలాగ తీరాలీ..నా ఋణమలాగ..తీరాలీ

చరణం::2

కన్నులకెన్నడూ..కానగరానిది 
కానుకగా..నేనడిగేదీ

అరుదైనది..నీవడిగేది
అది నిరుపేదకెలా..దొరికేది
ఈ నిరుపేదకెలా..దొరికేది

నీలో ఉన్నది..నీకే తెలియదు
నీ మనసే నే..కోరుకున్నది

అది నీకెపుడో..ఇచ్చేశానే
నీ మదిలో అద.. చేరుకున్నదీ

ఇంకేం?..

ఇలాగ తీరిందీ..మన ఋణమిలాగ..తీరింది
ఇలాగ తీరిందీ..మన ఋణమిలాగ..తీరింది