శ్రీ రాజేశ్వరీ విలాస్ కాఫీ క్లబ్--1976::శహన::రాగం

సంగీతం::పెండ్యాల నాగేశ్వర రావ్
రచన::దాశరథి 
గానం::P.సుశీల
దర్శకత్వం::బాపు 
తారాగణం::కృష్ణ,జయప్రద,పద్మనాభం,జగ్గయ్య,G.వరలక్ష్మి,రమాప్రభ,కాంతారావు,
అల్లు రామలింగయ్య
పల్లవి::
ఆకాశ పందిరిలో నీకు నాకు పెళ్ళంటా
అప్సరలే పేరంటాళ్ళు దేవతలే పురోహితులంటా
దీవనలు ఇస్తారంటా
ఆకాశ పందిరిలో నీకు నాకు పెళ్ళంటా
అప్సరలే పేరంటాళ్ళు దేవతలే పురోహితులంటా

చరణం::1

తళుకు బెళుకు నక్షత్రాలు తలంబ్రాలు తెస్తారంటా
తళుకు బెళుకు నక్షత్రాలు తలంబ్రాలు తెస్తారంటా
మెరుపు తీగ తోరణాలు మెరిసి మురిసి పోయేనంటా
మరపు రాని..వేడుకలంటా..ఆ
ఆకాశ పందిరిలో..నీకు నాకు పెళ్ళంటా

చరణం::2

పిల్ల గాలి మేళ గాళ్ళు పెళ్ళి పాట పాడేరంటా
పిల్ల గాలి మేళ గాళ్ళు పెళ్ళి పాట పాడేరంటా
రాజహంస జంట చేరీ రత్న హారతిచ్చేరంటా
రాసకేళి..జరిపేరంటా..ఆ
ఆకాశ పందిరిలో..నీకు నాకు పెళ్ళంటా
అప్సరలే పేరంటాళ్ళు దేవతలే పురోహితులంటా 

చరణం::3

వన్నె చిన్నెలా ఇంధ్ర ధనసు పై వెన్నెల పానుపు వేసేనంట
వన్నె చిన్నెలా ఇంధ్ర ధనసు పై వెన్నెల పానుపు వేసేనంట
మబ్బులు తలుపులు మూసేనంటా..ఆ..ఆ..ఆ..ఆ
ఆ..ఆ..ఆ..ఆ..ఆ..ఆ..ఆ..ఆ..ఆ..ఆ..ఆ..ఆ
మబ్బులు తలుపులు మూసేనంటా..
మగువలు తొంగి చూసేరంటా

మనలను..గేలి..చేసేరంటా..హా హా హా హా హా