మంచిరోజులు వచ్చాయి--1972

సంగీత::T.చలపతిరావ్ 
రచన::D.C.నారాయణరెడ్డి
గానం::P.సుశీల
తారాగణం::అక్కినేని,కాంచన,గుమ్మడి,నాగభూషణం,రామకృష్ణ,అంజలీదేవి,గీతాంజలి,కృష్ణంరాజు,సత్యనారాయణ

పల్లవి::

చం చం చచచం చం చం చచచం లలల్లా
ఎగిరే గువ్వ ఏమంది..విసిరే గాలి ఏమంది
ప్రకృతిలోన స్వేచ్చకన్న..మిన్నలేనే లేదంది
ఎగిరే గువ్వ ఏమంది..ఏమంది..ఈఈఈ ఓహో హో

చరణం::1

పూలకెందుకు కలిగెనే..ఈ ఘుమఘుమలు 
ఈ మధురిమలు..డ డ డ డ ర డ డ డ డ ర
తీగ లెన్నడు నేర్చెనే..ఈ అల్లికలు ఈ అమరికలు 
స్వేచ్చకోరే మనసువుంటే..పొందలేనిది యేముంది 
ర ర ర ర ర ర ర ర ర రి..ర ర ర ర ర ర ర ర   
ఎగిరే గువ్వ ఏమంది..ఏమంది..ఓహోహో

చరణం::2

కోకిలెన్నడు నేర్చెనే..ఈ సరిగమలు 
సరాగములు..డ డ డ డ ర డ డ డ డ ర 
నెమలి కెవ్వరు నేర్పిరే ఈ లయగతులు ఈ స్వరజతులు 
స్వేచ్చకోరే మనసువుంటే..నేర్వలేనిది యేముంది 
ఎగిరే గువ్వ ఏమంది..ఏమంది..ఓహోహో ఓ

చరణం::3

శిరసు వంచక నిలువనా..గుడి గోపురమై 
గిరి శిఖరమునై..డ డ డ డ ర డ డ డ డ ర
అవధులన్నీ దాటనా..ప్రభంజనమై జలపాతమునై 
స్వేచ్చకోరే మనసునాది..ఇంక నా కెదురేముంది
ర ర ర ర ర ర ర ర ర రి..ర ర ర ర ర ర ర ర
ఎగిరే గువ్వ ఏమంది..విసిరే గాలి ఏమంది
ప్రకృతిలోన స్వేచ్చకన్న..మిన్నలేనే లేదంది
తా ర ర రా ర..రా ర..తా ర ర రా ర రా ర