!! రాగం: హిందోళం !!
సంగీతం:K.V.మహాదేవన్
రచన: దేవులపల్లి కౄష్ణశాస్త్రి
గానం: S.P.బాలు. P. సుశీల
మావి చిగురు తినగానే....
మావి చిగురు తినగానే
కోవిల పలికేనా
మావి చిగురు తినగానే
కోవిల పలికేనా
కోవిల గొంతు వినగానే
మావి చిగురు తొడిగేనా....
కోవిల గొంతు వినగానే
మావి చిగురు తొడిగేనా....
ఏమో ఏమనునో కానీ
ఆమనీ..ఈ వని
!! మావి చిగురు తినగానే
కోవిల పలికేనా..కోవిల పలికేనా !!
తెమ్మెరతో తారాటలా....
తుమ్మెదతో సయ్యాటలా
తెమ్మెరతో తారాటలా....
తుమ్మెదతో సయ్యాటలా
తారాటలా సయ్యాటలా....
సయ్యాటలా తారాటలా
వన్నెలే కాదు వగలే కాదు
ఎన్ని నేర్చినది మొన్నటి పువ్వు
వన్నెలే కాదు వగలే కాదు
ఎన్ని నేర్చినది మొన్నటి పువ్వు
బింకాలూ..బిడియాలూ....
పొంకాలూ..పోడుములూ
ఏమో ఎవ్వరిదో గానీ ....
ఈ విరి..గడసరి
!! మావి చిగురు తినగానే
కోవిల పలికేనా....
కోవిల పలికేనా !!
ఒకరి వళ్ళు ఉయ్యాలా
వేరొకరి గుండె జంపాలా
ఉయ్యాలా జంపాలా....
జంపాలా ఉయ్యాలా
ఒకరి వళ్ళు ఉయ్యాలా
వేరొకరి గుండె జంపాలా
ఒకరి పెదవి పగడాలో....
వేరొకరి కనుల దివిటీలో
ఒకరి పెదవి పగడాలో
వేరొకరికనులదివిటీలో
పలకరింతలూ..పులకరింతలూ....
పలకరింతలూ..పులకరింతలూ....
ఏమో..ఏమగునో కానీ
ఈ కథ..మన కథా
!!మావి చిగురు తినగానే
కోవిల పలికేనా
కోవిల గొంతు వినగానే
మావి చిగురు తొడిగేనా
ఏమో ఏమనునో కానీ
ఆమనీ..ఈ వని
మావి చిగురు తినగానే
కోవిల పలికేనా..కోవిల పలికేనా..... !!
No comments:
Post a Comment