సంగీతం::చక్రవర్తి
రచన::దాసరి నారాయణరావు
గానం::K.J.ఏసుదాస్
పల్లవి::
సృష్టికర్త ఒక బ్రహ్మ
అతనిని సృష్టించినదొక అమ్మ
ఆ అమ్మకే తెలియని చిత్రాలు ఎన్నో
ఈ సృష్టినే స్తంభింపచేసే తంత్రాలు ఎన్నో
చరణం::1
బొట్టుపెట్టి పూజచేసి
గడ్డి మేపి పాలు తాగి
వయసు ముదిరి వట్టిపోతే గోవుతల్లే కోతకోత
విత్తునాటి చెట్టు పెంచితే
చెట్టు పెరిగి పళ్ళు పంచితే
తిన్న తీపి మరచిపోయి చెట్టుకొట్టి కట్టెలమ్మితే
లోకమా ఇది న్యాయమా?
లోకమా ఇది న్యాయమా?
చరణం::2
ఆకుచాటు పిందె ముద్దు
తల్లిచాటు బిడ్డ ముద్దు
బిడ్డ పెరిగి గడ్డమొస్తే కన్నత ల్లే అడ్డు అడ్డు
ఉగ్గుపోసి ఊసు నేర్పితే
చేయిబట్టి నడక నేర్పితే
పరుగు తీసి పారిపోతే
చేయిమార్చి చిందులేస్తే
లోకమా ఇది న్యాయమా?
లోకమా ఇది న్యాయమా?
No comments:
Post a Comment