గోకులంలో సీత--1997

సంగీతం::కోటి
రచన::వేటూరి
గానం::S.P.బాలు
తారాగణం::పవన్ కళ్యాణ్, రాశి

పల్లవి::

ప్రేమా ప్రేమా ఓ ప్రేమా..పిలుపును వినవమ్మా 
ప్రేమా ప్రేమా ఓ ప్రేమా..పిలుపును వినవమ్మా 
ప్రాణం పోసే అమృతమా..విషమై పోకమ్మా 
వలపుల వనమా..ఆ..ఆ..ఆ..ఆ 
వెలుగుల వరమా..ఆ..ఆ..ఆ..ఆ 
ఈ ఎదలో కొలువుందువు..రావమ్మా 

ప్రేమా ప్రేమా ఓ ప్రేమా..పిలుపును వినవమ్మా 
ప్రాణం పోసే అమృతమా..విషమై పోకమ్మా 

చరణం::1

ఎంత మధనమో..జరగకుండ 
ఆ పాల కడలి కదిలిందా..అమృతకలశమందిందా 
ఎన్ని ఉరుములో..విసరకుండ 
ఆ నీలినింగి కరిగిందా..నేలగొంతు తడిపిందా 
ప్రతి క్షణం హృదయం..అడగనిదే చలువనీయవ ప్రేమా 
ప్రకృతిలో ప్రళయం రేగనిదే..చిగురుతొడగవ ప్రేమా 
అణువణువూ సమిధలాయే..ఈయాగం శాంతిచేదెపుడమ్మా 
ప్రేమా ప్రేమా ఓ ప్రేమా..పిలుపును వినవమ్మా 
ప్రాణం పోసే అమృతమా..విషమై పోకమ్మా 

చరణం::2 

ఆయువంతా..అనురాగ దేవతకి 
హారతీయదలిచాడు..ఆరిపోతు ఉన్నాడు 
మాయమైన..మమకారమేది అని 
గాలినడుగుతున్నాడు..జాలి పడవ ఈనాడు 
నిలువునా రగిలే వేదనలో విలయజ్వాలలు చూడు 
ప్రణయమే గెలిచే మధురిమతో చెలిమిజోలలు పాడు 
నీవంటూ లేకుంటే ఈ స్థితిలో ఏమౌతాడోనమ్మా 

ప్రేమా ప్రేమా ఓ ప్రేమా..పిలుపును వినవమ్మా 
ప్రాణం పోసే అమృతమా..విషమై పోకమ్మా 
వలపుల వనమాఆఆ..ఆ..ఆ..ఆ 
వెలుగుల వరమాఆఆ..ఆ..ఆ..ఆ 
ఈ ఎదలో కొలువుందువు రావమ్మా