మొగుడు కావాలి--1980

సంగీతం::J.V.రాఘవులు
రచన::వీటూరి 
గానం::S.P.బాలు
తారాగణం::చిరంజీవి,గాయత్రి  


పల్లవి::

ఆకాశంలో తారకలు ఆకాశానికి చెందవు
సాగర వీధిని కెరటాలు ఆకాశానికి చేరవు
ఆకాశంలో తారకలు ఆకాశానికి చెందవు
సాగర వీధిని కెరటాలు ఆకాశానికి చేరవు
ఆకాశంలో తారకలు ఆకాశానికి చెందవు

చరణం::1

మెరిసే మబ్బులు కురిసే వరకే మేఘమాలికలూ
గగనవీధిలో కరిగిపోయే రాగమాలికలూ
మెరిసే మబ్బులు కురిసే వరకే మేఘమాలికలూ
గగనవీధిలో కరిగిపోయే రాగమాలికలూ
నిలకడ లేని మెరుపులు చూసి మనుగడ అనుకోకూ
నిలకడ లేని మెరుపులు చూసి మనుగడ అనుకోకూ
మట్టికి బిడ్డలు మణులు మనుషులు అదే మరిచిపోకూ
అదే మరిచిపోకూ
ఆకాశంలో తారకలు ఆకాశానికి చెందవు
సాగర వీధిని కెరటాలు ఆకాశానికి చేరవు
ఆకాశంలో తారకలు ఆకాశానికి చెందవు 

చరణం::2

అమావాస్యలో చందమామకై వెతకవద్దు నీవూ
అంధకారమే వెలుగు చేసుకొని బతకవద్దు నీవూ
అమావాస్యలో చందమామకై వెతకవద్దు నీవూ
అంధకారమే వెలుగు చేసుకొని బతకవద్దు నీవూ
ఏమీ లేని ఆకాశంలో ఇంద్రధనుసు చూడూ
ఏమీ లేని ఆకాశంలో ఇంద్రధనుసు చూడూ
పేదబతుకులో పెద్దమనసునే మనసు పెట్టి చూడూ
నా మనసు విప్పి చూడూ
ఆకాశంలో తారకలు ఆకాశానికి చెందవు
సాగర వీధిని కెరటాలు ఆకాశానికి చేరవు
ఆకాశంలో తారకలు ఆకాశానికి చెందవు
సాగర వీధిని కెరటాలు ఆకాశానికి చేరవు
ఆకాశంలో తారకలు ఆకాశానికి చెందవు