భక్త కన్నప్ప--1976

చిమ్మటలోని ఈ ఆణి ముత్యం వింటూ--సాహిత్యాన్ని చూస్తూ పాడుకొందామా




సంగీతం::సత్యం
రచన::ఆరుద్ర
గానం::V..రామకృష్ణ

శ్రీకాళహస్తీశ్వరా హరహర
కరుణించి నను బ్రోవరా
దేవర కైవల్య పదమీయరా

ఆలయమన్నది లేదని నీకై అల్లెను
గుడులను సాలీడు
ఆ భక్తుడు నీవు సంశోధించ
అగ్నిపరీక్షను పొందాడు
నీ గుడి రూపము చెరిపిన దీపము
మ్రింగ దలంచెను పురుగు
ఆ భక్తికి ఎంతో రక్తిని చెంది
ముక్తినొసంగిన దేవా ॥


పన్నగ మొక్కటి ప్రతి ఉదయమ్మున
ఎన్నో మణులను తెచ్చేదీ
నిన్నే పూజించేదీ
పాముయొనర్చిన పూజను మెచ్చక
ఏనుగు దానిని తుడిచేదీ
వేరే పూజలు చేసేదీ
ఒకరు యెనర్చిన పూజలునొల్లనొ
కరికాళమ్ములు పగబూనీ
తరుణము కొరకై వేచినవీ
తొండము నుండి దూరిన పాము
మెండుగ గజమును బాధించే
కొండను మోదగ కుంభము పగులగ
రెండొక తరి మరణించె
నీకై పోరిన ఆ ప్రాణులకు
నీ సాయుజ్యము లభియించే
జంతుసంతతికి ఇచ్చిన మోక్షము
సదాశివా దయచేయవా ॥