మనషులు మారాలి--1969

సంగీతం::KV.మహాదేవన్
రచన::C.నారాయణ రెడ్డి
గానం::SP.బాలు,P.సుశీల

తూరుపు సింధూరపు మందారపు వన్నెలలో
ఉదయరాగం హృదయగానం ఉదయరాగం హృదయగానం

తూరుపు సింధూరపు మందారపు వన్నెలలో
ఉదయరాగం హృదయగానం ఉదయరాగం హృదయగానం

మరల మరల ప్రతిఏట మధుర మధుర గీతం జన్మదిన వినోదం
మరల మరల ప్రతిఏట మధుర మధుర గీతం జన్మదిన వినోదం

!!తూరుపు సింధూరపు మందారపు వన్నెలలో
ఉదయరాగం హృదయగానం ఉదయరాగం హృదయగానం!!

వేలవేల వత్సరాల కేళిలో మానవుడుదయించిన శుభవేళలో
వేలవేల వత్సరాల కేళిలో మానవుడుదయించిన శుభవేళలో
వీచె మలయమారుతాలు పుడమి పలికె స్వాగతాలు
మాలికలై తారకలే మలిచే కాంతి తోరణాలు

!!తూరుపు సింధూరపు మందారపు వన్నెలలో
ఉదయరాగం హృదయగానం ఉదయరాగం హృదయగానం!!

వలపులోన పులకరించు కన్నులతో చెలిని చేరి పలుకరించు మగవారు
మనసులోన పరిమళించు వెన్నెలతో ప్రియుని చూచి పరవశించె ప్రియురాలు
జీవితమై స్నేహమయం … ఈ జగమే ప్రేమమయం
ప్రేమంటే ఒక భోగం .. కాదు కాదు అది త్యాగం

!!తూరుపు సింధూరపు మందారపు వన్నెలలో
ఉదయరాగం హృదయగానం ఉదయరాగం హృదయగానం!!