Saturday, August 04, 2007

మేఘసందేశం--1982::రాగం::సింధు బైరవి

చిమ్మటలోని మరో ఆణిముత్యం మీకోసం వినండి


సంగీతం::రమేష్ నాయుడు
రచన::దేవులపల్లి కృష్ణశాస్త్రి
రచన::వేటూరి
గానం::P.సుశీల

రాగం::సింధు బైరవి
(నటబైరవి చాయలు కలది )

నిన్నటిదాకా శిలనైనా నీ
పదము సోకినే గౌతమినైనా
నిన్నటిదాకా శిలనైనా
నీ మమతావేశపు వెల్లువలో
గోదారి గంగనై పొంగుతువున్నా

!!నిన్నటిదాకా శిలనైనా!!

సరస సరాగాల సుమ రాణిని
స్వరస సంగీతాల సారంగిని
సరస సరాగాల సుమ రాణిని
స్వరస సంగీతాల సారంగిని
మువ్వ మువ్వకు ముద్దు
మురిపాలు పలుక
మువ్వ మువ్వకు ముద్దు
మురిపాలు పలుక
మవ్వంపు నటనాల మాతంగిని
కైలాశ శిఖరాల శైలూశిఖా నాట్య
ఢోలలూగేవేళ రావేల నన్నేల

!!నిన్నటిదాకా శిలనైనా!!

నిన్నే ఆరాధించు నీ దాసిని
ప్రేమ ప్రాణాలైన ప్రియురాలిని
నిన్నే ఆరాధించు నీ దాసిని
ప్రేమ ప్రాణాలైన ప్రియురాలిని
పువ్వు పువ్వుకు నవ్వు
నవకాలు తెలిపే
పువ్వు పువ్వుకు నవ్వు
నవకాలు తెలిపే
చిరునవ్వులో నేను సిరి మల్లిని
స్వప్న ప్రపంచాల సౌందర్య దీపలు
చెంత వెలిగేవేళ ఈ చింత నీకేల

No comments: