Monday, November 26, 2012

జగత్ కిలాడీలు--1969






సంగీతం::S.P.కోదండపాణి
రచన::దేవులపల్లి కృష్ణశాస్త్రి
గానం::P.సుశీల

పల్లవి::

ఎగిరే పావురమా....
ఎగిరే పావురమా దిగులెరగని పావురమా 
దిగిరావా ఒక్కసారి ప్రతి రాత్రికి పగలుందని 
వెలుగుందని ఎరుగుదువా..ఓ..ఓ..ఓ..ఓ..ఓ ఓ ఓ  
ఎగిరే పావురమా దిగులెరగని పావుర

చరణం::1

మోముపైని ఏ నీడలు ముసరరాదని చంద
మామపైని ఏ మబ్బులు మసలరాదని..ఎరుగుదువా పావురమా
మాకన్నా నీవు నయంనీకు తోచదే భయం 
మాకన్నా నీవు నయంనీకు తోచదే భయం 
మూసే చీకటుల దారిచేసి పోవాలని ఎదుగుదువా

ఎగిరే పావురమా దిగులెరగని పావురమా..ఆ ఆ ఆ

చరణం::2

అటుపచ్చని తోటుందని..అట వెచ్చని గూడుందని
అటుపచ్చని తోటుందని..అట వెచ్చని గూడుందని
అటూ ఇటూ అడుగడుగున చుక్కదీపముంటుందని
ఎగురుదువా పావురమా..ఆ ఆ ఆ ఆ ఆ
ఒక్క గడియగాని..నీ రెక్క ముడవగూడదనీ
ఒక్క గడియగాని..నీ రెక్క ముడవగూడదనీ
దూరాన ధ్రువతారను చేరే తీరాలని ఎరుగుదువా

ఎగిరే పావురమా దిగులెరగని పావురమా 
దిగిరావా ఒక్కసారి ప్రతి రాత్రికి పగలుందని 
వెలుగుందని ఎరుగుదువా..ఓ..ఓ..ఓ..ఓ..ఓ ఓ ఓ  
ఎగిరే పావురమా దిగులెరగని పావుర

No comments: