ఆడబ్రతుకు--1965

సంగీతం::విశ్వనాథన్ రామమూర్తి   
రచన::ఆచార్య,ఆత్రేయ 
గానం::P. సుశీల 

సాకీ::

ప్రేమే నీకు మాంగల్యం అది జన్మజన్మల అనుబంధం
చావు పుట్టుకల కందని బంధం..దానికి లేదు వైధవ్యం
దానికి లేదు వైధవ్యం...

పల్లవి::

నిత్య సుమంగళి నీవమ్మా
నీకు అమంగళమేదమ్మా

నిత్య సుమంగళి నీవమ్మా
నీకు అమంగళమేదమ్మా

ప్రేమకు మృత్యువు లేదమ్మా
పెట్టిన బొట్టూ పోదమ్మా..పెట్టిన బొట్టూ పోదమ్మా 

చరణం::1

పది మాసాలు మోసావే..ప్రాణంగా కనిపెంచావే
విడనాడి వెళుతున్నావా..కడసారి లాలించేవా
ఎవరో నిను ముద్దాడేరూ..ఎక్కడ అమ్మాని అడిగేరు
నాన్నను చేరగ పోయెనని..నవ్వుతూ చెప్పరా నా తండ్రి
నవ్వుతూ చెప్పరా నా తండ్రి....

చరణం::2

తల్లిని కాను తనయను కాను..ఎవరికి నేను కోడలు కాను
దేవుడు లేక కోవెల లేదు..నా దైవం లేక నే లేను 
నా దైవం లేక నే లేను

ఆడబ్రతుకు--1965

సంగీతం::విశ్వనాథన్ రామమూర్తి   
రచన::సినారె 
గానం::P. సుశీల , బృందం

పల్లవి::

ఆహా..అందముచిందే..హృదయ కమలం
అందుకునే రాజొకడే..ఆహాహాహా
అందుకునే..రాజొకడే   

ఆహా..అందముచిందే హృదయకమలం
అందుకునే రాజొకడే..ఆహాహాహా..అందుకునే..రాజొకడే
వేలతారకల బృందములోన..వెలిగే చందురుడొకడే
వెలిగే చందురుడొకడే..ఆ ఆ ఆ ఆ ఆ

ఆహా..అందముచిందే..హృదయ కమలం
అందుకునే రాజొకడే..ఆహాహాహా
అందుకునే..రాజొకడే

చరణం::1

వెన్నెలరేకుల..వాకిళ్లుతీసి
సన్నని వలపుల..సాంబ్రాణి వేసి 
వెన్నెలరేకుల..వాకిళ్లుతీసి
సన్నని వలపుల..సాంబ్రాణి వేసి
ఎదురు చూసేది..ఎవరికోసమే 
మదిలో దాగిన మరుని కోసమే 
మదిలో దాగిన మరుని కోసమే

ఆహా..అందముచిందే..హృదయ కమలం
అందుకునే రాజొకడే..ఆహాహాహా
అందుకునే..రాజొకడే

చరణం::2

ఆహా హా హా హా ఆహా ఆహా ఆహా
కత్తులు దూసి జడిపించువాడు
మెత్తని ప్రేమను సాధించలేడు
కన్నుల బాసలు తెలియనివాడు
కన్నియ మనసును గెలువగలేడు
ఆ ఆ ఆ ఆ ఆ ఆ ఆ

ఆహా..అందముచిందే..హృదయ కమలం
అందుకునే రాజొకడే..ఆహాహాహా
అందుకునే..రాజొకడే

ఆహా..అందముచిందే..హృదయ కమలం
అందుకునే రాజొకడే..ఆహాహాహా
అందుకునే..రాజొకడే

ఆడబ్రతుకు--1965

సంగీతం::విశ్వనాథన్ రామమూర్తి 
రచన::ఆచార్య,ఆత్రేయ,
గానం::P.B.శ్రీనివాస్ 

పల్లవి::

తనువుకెన్ని గాయాలైనా..మాసిపోవునెలాగైనా
మనసుకొక్కగాయమైన..మాసిపోదు చితిలోనైనా
తనువుకెన్ని గాయాలైనా..మాసిపోవునెలాగైనా
మనసుకొక్కగాయమైన..మాసిపోదు చితిలోనైనా

చరణం::1

ఆడవాళ్లు ఆడుకునే ఆటబొమ్మ..ఈ మగవాడు
ఆ ఆ ఆ ఆ ఆ ఆ
ఆడవాళ్లు ఆడుకునే ఆటబొమ్మ..ఈ మగవాడు
ఆడుకున్న ఫరవాలేదు..పగులగొట్టి పోతారెందుకో
పగులగొట్టి పోతారెందుకో...
తనువుకెన్ని గాయాలైనా..మాసిపోవునెలాగైనా
మనసుకొక్కగాయమైన..మాసిపోదు చితిలోనైనా

చరణం::2

మగువులను పట్టించావే..మా సుఖమునకే అన్నావే
అందుకే ధర తెమ్మన్నావే..బ్రతుకే బలి ఇమ్మన్నావే
బ్రతుకే బలి ఇమ్మన్నావే...
తనువుకెన్ని గాయాలైనా..మాసిపోవునెలాగైనా
మనసుకొక్కగాయమైన..మాసిపోదు చితిలోనైనా

ఆడబ్రతుకు--1965

సంగీతం::విశ్వనాథన్ రామమూర్తి,
రచనసినారె
గానం::P.B.శ్రీనివాస్ 

పల్లవి:: 

కనులు పలకరించెను..పెదవులు పులకించెను 
బుగ్గలపై లేత లేత..సిగ్గులు చిగురించెను 
కనులు పలకరించెను..పెదవులు పులకించెను

చరణం::1

నిన్ను నేను చూసేవేళా..నన్ను నీవు చూడవేలా 
నిన్ను నేను చూసేవేళా..నన్ను నీవు చూడవేలా 
నేను పైకి చూడగానే..నీవు నన్ను చూతువేలా 
తెలిసిపోయె నీలో ఏదో..వలపు తొంగి చూసెను  
కనులు పలకరించెను..పెదవులు పులకించెను 
బుగ్గలపై లేత లేత..సిగ్గులు చిగురించెను

చరణం:2

మొలక నవ్వు దాచుకోకు..జిలుగుపైట జారనీకు 
మొలక నవ్వు దాచుకోకు..జిలుగుపైట జారనీకు
కురులు చాటు చేసుకోకు..తెరలు లేవు నీకు నాకు
తెలిసిపోయే నీలో ఏదో..వలపుతొంగి చూచెను 

కనులు పలకరించెను..పెదవులు పులకించెను 
బుగ్గలపై లేతలేత..సిగ్గులు చిగురించెను

చరణం::3

అందమైన ఈ జలపాతం..ఆలపించె తీయని గీతం 
ఓహో హో..ఓహో హో..ఓహో హో..ఓ ఓ ఓ ..
అందమైన ఈ జలపాతం..ఆలపించె తీయని గీతం
కనిపించని నీ హృదయంలో..వినిపించెను నా సంగీతం
తెలిసిపోయె నీలో ఏదో..వలపు తొంగి చూచెను   

కనులు పలకరించెను..పెదవులు పులకించెను 
బుగ్గలపై లేత లేత..సిగ్గులు చిగురించెను

ఆడబ్రతుకు--1965

సంగీతం::విశ్వనాథన్ రామమూర్తి
రచన::సినారె
గానం::P.సుశీల 

పల్లవి::

పిలిచే నా మదిలో..వలపే నీదెసుమా 
పిలిచే నా మదిలో..వలపే నీదెసుమా 
రారాజు ఎవరైనా..నారాజు నీవె సుమా 
పిలిచే నా మదిలో..వలపే నీదెసుమా
రారాజు ఎవరైనా..నారాజు నీవె సుమా 
పిలిచే నా మదిలో..వలపే నీదెసుమా 

చరణం::1

ప్రేమయే దైవమని..భావించుకున్నాము
లోకమేమనుకున్నా..ఏకమైవున్నాము
చావైన బ్రతుకైనా..జంటగా వుందాము
పిలిచే నా మదిలో..వలపే నీదెసుమా

చరణం::2

చుక్కలే తెగిపోనీ..సూర్యుడే దిగిరానీ
చుక్కలే తెగిపోనీ..సూర్యుడే దిగిరానీ
ఈ ప్రేమ మారదులే..ఈ జ్యోతి ఆరదులే
ఈ ప్రేమ మారదులే..ఈ జ్యోతి ఆరదులే
ఎన్ని జన్మలకైనా..ఈ బంధముండునులే

పిలిచే నా మదిలో..వలపే నీదెసుమా
రారాజు ఎవరైనా..నారాజు నీవె సుమా
పిలిచే నా మదిలో..వలపే నీదెసుమా

ఆడబ్రతుకు--1965

సంగీతం::విశ్వనాథన్ రామమూర్తి,
రచన::సినారె
గానం::P.B.శ్రీనివాస్ 

పల్లవి::

బుజ్జి బుజ్జి పాపాయి బుల్లి బుల్లి పాపాయి            
నీ బోసినవ్వులలో పూచే పున్నమి వెన్నెలలోయి 
బుజ్జి బుజ్జి పాపాయి బుల్లి బుల్లి పాపాయి 
బుజ్జి బుజ్జి పాపాయి బుల్లి బుల్లి పాపాయి 

చరణం::1

పాలుగారు ప్రాయములో నీలాగే ఉన్నాను 
బంగారు ఉయాలలో పవళించి ఊగాను  
ఆనాటి అచ్చటలే ఈనాటి ముచ్చటలై 
మనసే మురిసెనురా మమతే పెరిగెనురా 
నీ బోసినవ్వులలో పూచే పున్నమి వెన్నెలలోయి 
బుజ్జి బుజ్జి పాపాయి బుల్లి బుల్లి పాపాయి
             
చరణం::2

ఒక హృదయం పొంగితే ఉరికేది కవితరా 
ఇరుహృదయాలోకటైతే పాడేది లాలిరా 
ఒక హృదయం పొంగితే ఉరికేది కవితరా 
ఇరుహృదయాలోకటైతే పాడేది లాలిరా 
యేతల్లి కన్నదో యేబంధం ఉన్నదో 
మనసే మురిసెనురా మమతే పెరిగెనురా 
నీ బోసినవ్వులలో పూచే పున్నమి వెన్నెలలోయి 
బుజ్జి బుజ్జి పాపాయి బుల్లి బుల్లి పాపాయి

చరణం::3             

పువ్వంటి మనసులో ముళ్ళున్న జగతిరా 
మోసాలు ద్వేషాలు ముసిరే బ్రతుకురా             
నమ్ముకున్న నావారు నాకిదే నేర్పారు 
పాపాయిగా ఉంటే బాధలే ఉండవురా 
నీ బోసినవ్వులలో పూచే పున్నమి వెన్నెలలోయి 
బుజ్జి బుజ్జి పాపాయి బుల్లి బుల్లి పాపాయి