తారక రాముడు--1997

సంగీతం::రాజ్ కోటి
రచన::సిరివెన్నెల
గానం::S.P.బాలసుబ్రహ్మణ్యం,K.S.చిత్ర
Film Directed By::R.V.Uday Kumar 
తారాగణం::సౌధర్య,శ్రీకాంత్

పల్లవి::

కోపం వస్తే మండుటెండ 
మనసు మాత్రం వెండికొండ 
కోపం వస్తే మండుటెండ 
మనసు మాత్రం వెండికొండ
వానమబ్బు లాంటి వాటం నీదయా

నాకు తెలుసా..మంచి చెడ్డ 
నువ్వు చెబితే..నేర్చుకుంట
నిన్ను నమ్మినాను..అంతా దయా

నీ అల్లర్లు అందం..నీ అలకల్లు అందం
నన్ను కవ్వించి నవ్వించే..నీ నేస్తమే మంచి గంధం

కోపం వస్తే...మండుటెండ 
మనసు మాత్రం...వెండికొండ
వానమబ్బు లాంటి వాటం నీదయా

చరణం::1

చెర్లో ఉన్న చాకిరేవు బండ నేనటా
గుళ్ళో ఉన్న అమ్మవారి బొమ్మ నీవట

మురికిని కడిగినా మనసుని కడిగినా
రెండు రాళ్ళు చేసేదోకటే పేర్లే వేరటా

అవునో కాదో తెలియదు కానీ
నువ్వు చెబుతుంటే అవునంటా

మరి అంతలోనె బుంగమూతి సంగతేంటటా

నాకు తెలుసా మంచి చెడ్డ నువ్వు చెబితే నేర్చుకుంట

నిన్ను నమ్మినాను అంతా నీదయా

చరణం::2

నిండుకుండ కాదు కనుక తొణుకుతుందదీ
అంత వింత అందులోన ఏమిటున్నదీ

నాలో తెలివికీ దీన్లో నీటికీ
పోలికే గుళుకు గుళుకు పలుకుతున్నదీ

అమృతం లాంటీ హృదయం నీది
అంత కన్న వేరే వరమేది

అది తెలిసి కూడ కసురుకుంటే నేరమెవరిదీ

కోపం వస్తే మండుటెండ మనసు మాత్రం వెండికొండ
వానమబ్బు లాంటి వాటం నీదయా

నాకు తెలుసా మంచి చెడ్డ నువ్వు చెబితే నేర్చుకుంట
నిన్ను నమ్మినాను అంతా నీదయా

నీ అల్లర్లు అందం..నీ అలకల్లు అందం
నన్ను కవ్వించి నవ్వించే నీ నేస్తమే మంచి గంధం