సంగీతం::K.V.మహదేవన్
రచన::ఆచార్య ఆత్రేయ
గానం::ఘంటసాల
అందమైన తీగకు..పందిరుంటే చాలును
పైకి పైకి పాకుతుంది చినదానా
పరవశించి సాగుతుంది చినదానా..
అందమైన తీగకు..పందిరుంటే చాలును
పైకి పైకి పాకుతుంది చినదానా
పరవశించి సాగుతుంది చినదానా..
చరణం::1
గువ్వకెగిరే కోరికుంటే..రెక్కలొస్తాయీ
తప్పటడుగులే ముందు ముందు నడకలౌతాయీ
ఆశౌంటే మోడుకూడ చిగురు వేస్తుందీ
అందమునకానందమపుడే తోడువస్తుంది
అందమైన తీగకు పందిరుంటే చాలునూ
పైకి పైకి పాకుతుంది చినదానా
పరవశించి సాగుతుంది చినదానా
చరణం::2
పాదులోని తీగవంటిది పడుచుచిన్నది
పరువమొస్తే చిగురువేసి వగలు బోతుంది
మొగ్గతొడిగి మురిసిపోతూ సిగ్గుపడుతుంది
తగ్గ జతకై కళ్ళుతోనే వెతుకుతుంటుంది
అందమైన తీగకు పందిరుంటే చాలునూ
పైకి పైకి పాకుతుంది చినదానా
పరవశించి సాగుతుంది చినదానా
చరణం::3
కళ్ళు కళ్ళు కలిసినప్పుడు కలలు వస్తాయి
కన్నెపిల్ల కలలకెపుడో కాళ్ళువస్తాయి
అడుగులోన అడుగువేస్తూ అందమొస్తుంది
నడవలేని నడకలే ఒక నాట్యమౌతుంది
అందమైన తీగకు పందిరుంటే చాలునూ
పైకి పైకి పాకుతుంది చినదానా
పరవశించి సాగుతుంది చినదానా
No comments:
Post a Comment