Monday, September 26, 2011

అడవిరాముడు--1977




సంగీతం::K.V..మహదేవన్
రచన::వేటూరిసుందర రామ మూర్తి 
గానం::S.P.బాలు,బృందం

తారాగణం::N.T.రామారావు,జయప్రద,జయసుధ,సత్యనారాయణ,శ్రీధర్,నాగభూషణం 

సాకీ::-

మనిషై పుట్టినవాడు కారాదు మట్టిబొమ్మ
పట్టుదలే ఉంటే కాగలడు మరో బ్రహ్మ

పల్లవి::
కృషి ఉంటే మనుషులు
ఋషులౌతారు మహాపురుషులౌతారు
తరతరాలకి తరగని వెలుగౌతారు ఇలవేలుపులౌతారు

చరణం::1

అడుగో అతడే వాల్మీకి బ్రతుకు వేట అతనికి
అతి భయంకరుడు యమకింకరుడు
అడవి జంతువులపాలిటి అడుగో అతడే వాల్మీకి
పాలపిట్టల జంట వలపు తేనెల పంట
పండించుకుని పరవశించి పోయేవేళ
ఆ పక్షుల జంటకు గురిపెట్టాడు
ఒక పక్షిని నేలకూల్చాడు
జంట బాసిన పక్షి కంట పొంగిన గంగ
తన కంటిలో పొంగ మనసు కరకంగ
ఆ శోకంలో ఒక శ్లోకం పలికే
ఆ చీకటి ఎదలో దీపం వెలిగే
కరకు బోయడే అంతరించగా
కవిగా అతడు అవతరించగా
మనిషి అతనిలో మేల్కొన్నాడు
కడకు మహర్షే అయినాడు
నవరసభరితం రాముని చరితం
జగతికి అతడు పంచిన అమృతం
ఆ వాల్మీకి మీవాడు మీలోనో ఉన్నాడు
అక్షరమై మీ మనసు వెలిగితే మీలోనే ఉంటాడు
అందుకే...
కృషి ఉంటే మనుషులు
ఋషులౌతారు మహాపురుషులౌతారు
తరతరాలకి తరగని వెలుగౌతారు ఇలవేలుపులౌతారు

చరణం::2 

ఏకలవ్యుడంటేనే ఎదురులేని బాణం
తిరుగులేని దీక్షకీ అతడే ప్రాణం
కులం తక్కువని విద్యనేర్పని
గురువు బొమ్మగా మిగిలాడు
బొమ్మ గురువుగా చేసుకుని
బాణ విద్యలో పెరిగాడు
హుటాహుటిని ద్రోణుడపుడు
తటాలుమని తరలివచ్చి
పక్షపాత బుద్ధితో దక్షిణ ఇమ్మన్నాడు
ఎదుట నిలిచిన గురుని పాదమంటి
ఏమివ్వగలవాడననే ఏకలవ్యుడు
బొటనవ్రేలివ్వమనె కపటి ఆ ద్రోణుడు
వల్లెయనె శిష్యుడు చెల్లె ద్రోణుని ముడుపు
ఎరుకలవాడు అయితేనేమి
గురికలవాడే మొనగాడు
వేలునిచ్చి తన విల్లును విడిచి
వేలుపుగా ఇల వెలిగాడు
అందుకే...
కృషి ఉంటే మనుషులు
ఋషులౌతారు మహాపురుషులౌతారు
తరతరాలకి తరగని వెలుగౌతారు ఇలవేలుపులౌతారు

చరణం::3

శబరీ..ఇంతకాలము వేచినది
ఈ పిలుపుకే శబరి
ఆశ కరువిడి అడుగు తడబడి
రామపాదము కన్నది
వంగిపోయిన నడుముతో
నగుమోము చూడగలేక అపుడు
కనుల నీరిడి ఆ రామపాదము
కడిగినది శబరి
పదముల ఒరిగినది శబరి
ప్రేమ మీరగ రాముడప్పుడు
శబరి తల్లి కనులు తుడిచి
కోరికోరి శబరి కొరికిన
దోరపండ్లను ఆరగించె
ఆమె ఎంగిలి గంగ కన్న
మిన్నగ భావించిన
రఘురాముడెంతటి ధన్యుడో
ఆ శబరిదెంతటి పుణ్యమో
ఆమె ఎవ్వరో కాదు సుమా
ఆడపడుచు మీ జాతికి
జాతిరత్నములు ఎందరెందరో
మీలో కలరీ నాటికీ
అడివిని పుట్టి పెరిగిన కథలే
అఖిల భారతికి హారతులు
నాగరికతలో సాగు చరితలో
మీరే మాకు సారథులు
అందుకే...
కృషి ఉంటే మనుషులు
ఋషులౌతారు మహాపురుషులౌతారు
తరతరాలకి తరగని వెలుగౌతారు ఇలవేలుపులౌతారు


Adavi Ramudu--1977
Music::K.V.Mahadevan
Lyricis::Veturi Sundara ramamurthy
Singer's::S.P.Bala Subramaniam
Cast::N.T.Ramaravu,Jayaprada,Jayasudha,Satyanarayana,Sreedhar,Nagabhushanam.

:::::::

saakii:::-

Manishai puttina vadu kaaradu mattibomma
pattudale vunte kaagaladu maro brahma

krushi vunte manushulu rushulavutaru
mahaa purushulavutaru
tarataraalaki taragani velugavutaru
ilavelupulavutaru

:::::1

adugo athade valmeeki
bratuku veta ataniki
ati bhayankarudu yamakinkarudu
adavi jantuvula paliti adugo
atade valmeeki
paala pittala janta valapu tenela panta
pandinchukuni paravishinche vela
aa pakshula jantaku guri pettadu
oka pakshini nela kulchaadu
janta baasina pakshi kanta pongina ganga
tana kantilo ponga manasu karaganga
aa shokamlo oka shlokam palike
aa cheekati yedalo deepam velige
karaku boyade antharinchagaa
kavigaa atadu avatarinchagaa
manishi atanilo melkonnadu
kadaku maharshe ayinadu
navarasa bharitam ramuni charitam
jagatiki atadu panchina amrutham
aa valmeeki mee vadu meelone vunnadu
aksharamai mee manasu veligithe
meelone vuntadu anduke
krushi vunte manushulu rushulavutaru
mahaa purushulavutaru

:::::2

yekalavyudantene yeduruleni baanam
tiruguleni deekshakii atade praanam
kula takkuvani vidya nerpani
guruvu bommagaa migilaadu
bomma guruvugaa chesukoni
baana vidyalo perigadu
hutaahutini dronudapudu
thataalumani tarali vachi
pakshapaata buddito dakshina immannadu
yeduta nilichina guruni padamanti
yemivvagalavaadanane yekalavyudu
botanavrelivvamane kapati aa dronudu
valleyane shishyudu chelle
dronuni mudupu
yerukalavadu ayitenemi
gurikala vaade monagadu
velunichi tana villunu vidichi
veluvugaa ila veligadu anduke
krushi vunte manushulu rushulavutaru
mahaa purushulavutaru

::::::3

shabaree..inthakaalamu vechinadi
ee pilupuke shabari
aasha karuvidi adugu tadabadi
raamapaadamu kannadi
vangipoyina nadumuto
nagumomu chudaga leka apudu
kanula neeridi aa rama paadamu
kadiginadi shabari
padamula voriginadi shabari
prema meeraga raamudappudu
shabari talli kannulu tudichi
kori kori shabari korikina
dora pandlanu aaraginche
aame yengili ganga kanna
minnaga bhaavinchina
raghuraamudentati dhanyudo
aa shabaridentati punyamo
aame yevvaro kaadu sumaa
aadabaduchu mee jaatiki
jaati ratnamulu yendarendaro
meelo kalaree naatikii
adivini putti perigina kadhale
akhila bhaaratiki haaratulu
nagarikatalo saagu charitalo
meere maaku saaradhulu..anduke
krushi vunte manushulu rushulavutaru

mahaa purushulavutaru

No comments: