లక్షాధికారి--1963

సంగీతం::T.చలపతి రావు
రచన::C.నారాయణ రెడ్డి
గానం::P. సుశీల

పల్లవి:

దాచాలంటే దాగదులే..దాగుడు మూతలు సాగవులే
వలపుల సంకెల బిగిసే దాక..వదలను..వదలను..వదలనులే

చరణం::1

నీ సన్నని మీసంలో విలాసం వన్నెలు చిలికింది
నీ నున్నని బుగ్గలపై పున్నమి వెన్నెల మెరిసింది
నీ ఓరచూపులను గని..బంగారు తూపులనుకొని
నీ ఓరచూపులను గని..బంగారు తూపులనుకొని మురిసిపోతానూ
పరవసించేనూ..నీ కన్నులు రమ్మని పిలిచేదాక
కదలను..కదలను..కదలనులే

దాచాలంటే దాగదులే..దాగుడు మూతలు సాగవులే
వలపుల సంకెల బిగిసే దాక..వదలను..వదలను..వదలనులే

చరణం::2

పొదలలోన వున్నా పూల గంధాలు దాగలేవు
మట్టిలోన వున్నా..మణుల అందాలు మాసిపోవు
నీలోని రూపమును గని..రతనాల దీపమనుకొని
నీలోని రూపమును గని..దీపమనుకొని
మదిని నిలిపేను..జగము మరచేనూ
నీ పెదవుల నవ్వులు విరిసే దాక
విడువను..విడువను..విడువనులే

దాచాలంటే దాగదులే..దాగుడు మూతలు సాగవులే
వలపుల సంకెల బిగిసే దాక..వదలను..వదలను..వదలనులే